نوازشریف کے تو کھانے گھر سے آتے تھے، سو سو بندہ ملنے جاتا تھا، بانی پی ٹی آئی کی تمام جیل سہولیات ختم کردی گئیں، علیمہ خان

علیمہ خان کا عمران خان کی جیل سہولیات پر بیان

راولپنڈی (ڈیلی پاکستان آن لائن) بانی پی ٹی آئی عمران خان کی ہمشیرہ علیمہ خان نے کہا ہے کہ بانی پی ٹی آئی کی تمام جیل سہولیات ختم کردی گئی ہیں، بانی پی ٹی آئی کو بچوں سے بات نہیں کرنے دیا جاتا اور نہ ہی کتابیں فراہم کی جا رہی ہیں۔

یہ بھی پڑھیں: لاہور، نجی کالج میں 21 سالہ طالبہ پہلی منزل سے گر کر جاں بحق

میڈیا سے گفتگو

نجی ٹی وی چینل جیو نیوز کے مطابق، علیمہ خان نے انسداد دہشتگردی عدالت کے باہر میڈیا سے گفتگو کرتے ہوئے کہا کہ بانی پی ٹی آئی کی ہدایات ہیں کہ 10 محرم کے بعد پارٹی تحریک کا آغاز کیا جائے۔ انہوں نے مزید کہا کہ بانی نے یہ بھی کہا ہے کہ 27 ویں ترمیم کے بجائے بادشاہت قائم کرلیں۔ علیمہ خان کا کہنا تھا کہ تحریک سے پہلے پلان تیار کر چکے ہیں اور بانی نے عوام سے اپیل کی ہے کہ وہ اپنی آزادی کے لیے نکلیں۔ عمران خان نے کہا ہے کہ غلامی سے بہتر ہے کہ وہ جیل میں ہی رہیں۔

جیل کی حالات

علیمہ خان کا کہنا ہے کہ بانی پی ٹی آئی جو جیل کاٹ رہے ہیں، ان کے مخالف سوچ بھی نہیں سکتے۔ انہوں نے بتایا کہ بانی پی ٹی آئی 22 گھنٹے سیل میں ہوتے ہیں اور صرف 2 گھنٹے باہر نکالتے ہیں۔ علیمہ خان نے یہ بھی کہا کہ نوازشریف کے تو کھانے گھر سے آتے تھے اور سو سو بندے ملنے جاتے تھے، جبکہ بانی کی تمام جیل سہولیات ختم کردی گئی ہیں۔ بانی کو بچوں سے بات نہیں کرنے دیا جاتا اور انہیں کتابیں بھی نہیں فراہم کی جاتی ہیں۔ نوازشریف اور ان کی بیٹی تو ریسٹ ہاؤس میں تھیں جہاں ساری سہولیات دستیاب تھیں۔