سیکرٹری داخلہ پنجاب کا چائلڈ پروٹیکشن اینڈ ویلفیئر بیورو کا دورہ، مختلف سیکشنز میں بچوں سے ملاقات
سیکرٹری داخلہ پنجاب کا چائلڈ پروٹیکشن بیورو کا دورہ
لاہور (ڈیلی پاکستان آن لائن) سیکرٹری داخلہ پنجاب ڈاکٹر احمد جاوید قاضی نے چائلڈ پروٹیکشن اینڈ ویلفیئر بیورو کا دورہ کیا۔ اس موقع پر سیکرٹری داخلہ نے چیئرپرسن چائلڈ پروٹیکشن بیورو و رکن صوبائی اسمبلی سارہ احمد سے ملاقات کی اور بیورو کی کارکردگی و ورکنگ بارے بریفنگ لی۔ ایڈیشنل سیکرٹری داخلہ عاصمہ چیمہ، ڈی جی چائلڈ پروٹیکشن بیورو آفتاب احمد اور دیگر افسران بھی ان کے ہمراہ تھے۔
یہ بھی پڑھیں: عید پر راولپنڈی میں دو خواتین کے ساتھ جنسی زیادتی کا افسوسناک واقعہ
بچوں کے ساتھ ملاقات اور معائنہ
سیکرٹری داخلہ نے بیورو کے مختلف سیکشنز کا دورہ کیا اور بچوں سے ملاقات کی۔ انہوں نے چائلڈ پروٹیکشن سکول، آئی ٹی لیب، ایکٹیویٹی روم، سپورٹس کمپلیکس اور ہاسٹلز کا معائنہ کیا۔ ڈاکٹر احمد جاوید قاضی نے چائلڈ پروٹیکشن بیورو میں مقیم بچوں کے ساتھ وقت گزارا، کیک کاٹا اور تحائف پیش کیے۔ سیکرٹری داخلہ نے بچوں سے ان کی تعلیم، صحت، خوراک اور مجموعی دیکھ بھال کے بارے میں فرداً فرداً دریافت کیا۔
یہ بھی پڑھیں: کراچی کو جدید شہر بنانے کیلئے کتنے ارب ڈالرز کی ضرورت ہے؟ وزیرِ اعلیٰ سندھ کی خصوصی بریفنگ
اجلاس اور مستقبل کے اہداف
بعد ازاں سیکرٹری داخلہ نے چائلڈ پروٹیکشن بیورو کی کارکردگی اور مستقبل کے اہداف کے بارے میں خصوصی اجلاس کی صدارت کی۔ انہوں نے افسران سے گفتگو میں کہا کہ چائلڈ پروٹیکشن کی خصوصی موبائل ایپلیکیشن تیار کریں تاکہ شہری سہولت سے رابطہ کر سکیں اور تمام ضروری معلومات دستیاب ہوں۔
یہ بھی پڑھیں: قومی اسمبلی میں وزیراعظم کی پیشکش پر تحریک انصاف کا مثبت جواب
یتیم اور لاوارث بچوں کی امداد
سیکرٹری داخلہ نے ہدایت کی کہ یتیم اور لاوارث بچوں کی امداد کے لیے خصوصی فنڈ قائم کیا جائے تاکہ مخیر حضرات بھی مدد کر سکیں۔ انہوں نے کہا کہ تمام اضلاع میں ڈپٹی کمشنرز چائلڈ پروٹیکشن یونٹس کی بھرپور نگرانی و معاونت کریں اور بیورو کا دائرہ کار پنجاب بھر میں پھیلایا جائے۔
یہ بھی پڑھیں: آبی جنگ بھی چھڑ گئی۔۔۔پاکستان جواب اور دفاع کیلئے تیار۔۔۔ بھارت کا پانی بھی رک سکتا ہے ۔۔ بھارتی فوج پر بھی سوالات اٹھنے لگے
چائلڈ پروٹیکشن بیورو کی کارکردگی
اجلاس کو بریفنگ میں بتایا گیا کہ چائلڈ پروٹیکشن بیورو سالانہ 10 ہزار سے زائد بے سہارا اور عدم توجہی کے شکار بچوں کو ریسکیو کر رہا ہے۔ اسی طرح ایک سال کے دوران 11 ہزار گمشدہ بچوں کو والدین اور اہل خانہ سے ملوایا جا چکا ہے۔ بچوں کو رہائش، خوراک، تعلیم اور صحت کی بنیادی سہولیات فراہم کی جا رہی ہیں اور انہیں تعلیم کے ساتھ ساتھ ہنر کی فراہمی کے ذریعے بااختیار بنایا جا رہا ہے۔ بیورو میں مقیم بچیوں نے بیکنگ میں مہارت حاصل کی اور اعلیٰ معیار کی بیکری پراڈکٹس مارکیٹ میں فروخت کر کے باعزت روزگار کما رہی ہیں۔ اسی طرح بچوں نے چائلڈ پروٹیکشن بیورو میں تربیت پاکر متعدد معروف برینڈز جوائن کیے اور خود کفیل ہو گئے ہیں۔
یہ بھی پڑھیں: ملائشیا میں یونیورسٹی بس کا حادثہ، 15 طالبعلم جاں بحق
افسران و عملے کا کردار
سیکرٹری داخلہ پنجاب نے افسران و عملے سے گفتگو میں کہا کہ چائلڈ پروٹیکشن بیورو میں تعینات عملہ ڈیوٹی کو عبادت سمجھ کر ادا کرے۔ سیکرٹری داخلہ نے دورہ کے موقع پر چائلڈ پروٹیکشن کورٹ کے جج امجد نذیر چوہدری سے خصوصی ملاقات کی اور بچوں کی لیگل کسٹڈی، اپنے اہل خانہ سے دوبارہ ملاپ اور ایکٹ کے تحت رجسٹرڈ کیسز کے بارے میں دریافت کیا۔
