محکمے روڈ میپ پر عملدرآمد کیلئے عملی اقدامات کریں، منصوبوں کی تکمیل میں تاخیر نہ کی جائے: علی امین گنڈاپور

وزیر اعلی خیبرپختونخوا کا ایکشن منصوبہ

پشا ور(ڈیلی پاکستان آن لائن) وزیر اعلی خیبرپختونخوا علی امین گنڈاپور نے کہا ہے کہ تمام محکمے روڈ میپ پر عملدرآمد کے لیے عملی اقدامات اُٹھائیں۔ عوامی منصوبوں کی تکمیل میں کوئی تاخیر نہ کی جائے، اور روڈ میپ پر عملدرآمد کرنے میں کوئی سمجھوتہ نہ کیا جائے۔

یہ بھی پڑھیں: 9 مئی مقدمہ: عمرا یوب، عالیہ حمزہ و دیگر کی بریت کی درخواستوں پر سماعت ملتوی

خراب گورننس کا مسئلہ

ڈان نیوز کے مطابق وزیر اعلیٰ علی امین گنڈاپور نے روڈ میپ تقریب سے خطاب میں کہا کہ خراب گورننس کے باعث کوئی بھی منصوبہ مکمل نہیں ہوگا۔ میں نے وزیر اعلی بنتے ہی سکولوں میں فرنیچر پورا کرنے کا اعلان کیا تھا۔

یہ بھی پڑھیں: عمران خان حکومت سے نہیں بلکہ اسٹیبلشمنٹ سے مذاکرات کریں گے، بیرسٹرسیف

سکولوں میں فرنیچر کی کمی

انہوں نے کہا کہ سکولوں میں فرنیچر پورا نہ ہونے کی بڑی وجہ خراب گورننس ہے۔ سرکاری ملازمین کے گھروں میں سرکاری فرنیچر پڑا ہے، جبکہ سکولوں کی کرسیاں سیاسی جلسوں میں استعمال ہوتی ہیں۔ اب ذمہ داروں پر ذمہ داری عائد کی جائے گی۔

یہ بھی پڑھیں: وزیراعظم کی زیرصدارت ایف بی آر اصلاحات پر جائزہ اجلاس، تھرڈ پارٹی ویلیڈیشن کیلئے کمپنیوں کو شامل کرنے کی ہدایت

جزا اور سزا کا نظام

وزیراعلیٰ خیبرپختونخوا نے کہا کہ روڈ میپ منصوبے میں سزا اور جزا کا عمل ہوگا۔ روڈ میپ کی ہر مہینے نگرانی کروں گا، خراب کارکردگی پر کسی کو ہٹانے میں پھر صفائیاں نہیں دوں گا۔

یہ بھی پڑھیں: شادی کی تقریب میں مضر صحت کھانا کھانے سے 200 سے زائد افراد کی حالت خراب

کارکردگی کی جانچ

علی امین گنڈاپور کا کہنا تھا کہ کسی کو ہٹاؤں تو صفائیاں دینی پڑتی ہیں، اب روڈ میپ میں ہر کسی کی کارکردگی نمایاں ہوگی۔ کسی کی سفارش نہیں مانوں گا، اور خراب کارکردگی والوں کے خلاف کارروائی ہوگی۔

یہ بھی پڑھیں: سیاسی اختلافات ہو سکتے ہیں لیکن وطن کی حفاظت کیلیے ہم یکجا ہیں: مولانا فضل الرحمٰن

سیکرٹری کا خطاب

خیبرپختونخوا حکومت کے روڈ میپ تقریب سے چیف سیکرٹری شہاب علی شاہ نے خطاب میں کہا کہ جہاں پر سیکورٹی سسٹم پر سمجھوتا ہوتا ہے تو عوام متاثر ہوتے ہیں۔ دہشتگردی کے خاتمہ کے لیے تمام اداروں کو اقدامات اُٹھانے ہوں گے۔

یہ بھی پڑھیں: ایشیئن ہاکی چیمپئینز ٹرافی، کھلاڑیوں کو یومیہ الائونس مل گیا

ترقی کی راہ میں رکاوٹیں

انہوں نے کہا کہ دہشتگردی صوبے کی ترقی پر اثر انداز ہو رہی ہے۔ جس ادارے کا جتنا اختیار ہے، اس کے مطابق دہشتگردی کے خاتمہ میں کردار ادا کریں۔ خیبرپختونخوا حکومت نے اگلے دو سال کے لیے روڈ میپ جاری کردیا ہے، تقرریاں تبادلے کارکردگی کی بنیاد پر ہوں گے۔

یہ بھی پڑھیں: سانحہ خضدار، معصوم اور بے گناہ بچوں کا خون رائیگاں نہیں جائے گا: وزیر اعلیٰ مریم نواز

عملدرآمد کی وضاحت

چیف سیکرٹری نے کہا کہ پراونشل ایکشن پلان پر عملدرآمد ہوگا اور منصوبوں کو ترجیحی بنیادوں پر فنڈز جاری ہوں گے۔ روڈ میپ میں بروقت ٹاسک پورا کرنے والے اہلکار و محکمے کو انعام دیا جائے گا۔

یہ بھی پڑھیں: عمران خان کے حوالے سے کسی ڈیل کا قائل نہیں ہوں: ملک احمد خان

صحت اور تعلیم کی بہتری

انہوں نے کہا کہ ہسپتالوں میں ادویات کی سو فیصد فراہمی، 250 بنیادی صحت مراکز کو اپ گریڈ کیا جائے گا۔ حکومت روڈ میپ کے تحت دس ہزار خصوصی افراد کو وظائف دے گی، اور سکول سے باہر بچوں کی تعداد میں پچاس فیصد کمی لائی جائے گی۔

زرعی ترقی کے منصوبے

چیف سیکرٹری خیبرپختونخوا نے کہا کہ ایک ہزار پھلدار درخت، بیس لاکھ جنگلی زیتون کی قلم جاری کی جائے گی، نیو پشاور ویلی میں 14 ہزار رہائشی پلاٹس تیار کیے جائیں گے، اور ایک لاکھ روپے سے کم آمدنی والے گھرانوں کو شمسی توانائی پر منتقل کیا جائے گا۔