پاکستان کو ہماری لائیو معلومات مل رہی تھیں، ڈی جی ایم او رابطے میں انہوں نے کہا کہ ہمیں پتا ہے کہ آپ کا کون سا ہتھیار حملے کیلئے تیار ہے بھارتی ڈپٹی آرمی چیف

بھارت کے ڈپٹی آرمی چیف کا انکشاف

نئی دہلی (ڈیلی پاکستان آن لائن) بھارت کے ڈپٹی آرمی چیف لیفٹیننٹ جنرل راہول سنگھ کا کہنا ہے کہ مئی کے تنازعے میں پاکستان کے پاس بھارتی دفاعی اثاثوں کی براہ راست ٹریکنگ موجود تھی۔

یہ بھی پڑھیں: وزیراعلیٰ مریم نواز سے سپیکر پنجاب اسمبلی ملک محمد احمد خان کی ملاقات

فضائی دفاعی نظام کو مضبوط بنانے کی ضرورت

خبر ایجنسی روئٹرز کے مطابق نئی دہلی میں دفاعی انڈسٹری کی ایک تقریب سے خطاب کرتے ہوئے جنرل راہول سنگھ نے اس بات پر زور دیا کہ بھارت کے فضائی دفاعی نظام کو مضبوط کرنے کی ضرورت ہے۔ انہوں نے کہا کہ مئی کے تنازعے میں پاکستان کو چین کی طرف سے لائیو فیڈ دی جا رہی تھی۔ جب ڈی جی ایم اوز کا رابطہ ہوا تو پاکستانی سائیڈ نے کہا کہ انہیں پتا ہے کہ بھارت کا کون سا ہتھیار تیار ہے اور کہاں حملہ کرنے والا ہے۔

یہ بھی پڑھیں: زرمبادلہ ذخائر پونے 3 سال کی بلند ترین سطح پر برقرار

پاکستان کا تردید اور موقف

واضح رہے کہ پاکستان کی طرف سے اس بات کی تردید کی جاتی رہی ہے کہ انہوں نے 7 سے 10 مئی تک جاری رہنے والے تنازعے میں اپنے بل بوتے پر بھارت کا مقابلہ کیا اور اسے کسی قسم کی چینی مدد حاصل نہیں تھی۔

ترکی کی مدد کا دعویٰ

راہول سنگھ نے یہ دعویٰ بھی کیا کہ چین کے علاوہ ترکیہ نے بھی پاکستان کی مدد کی۔ ترکیہ کی طرف سے کئی قسم کے جدید ترین ڈرون اور تربیت یافتہ لوگ فراہم کیے گئے۔