جو روٹ نے کرکٹ فینز کے دل جیت لیے، نابینا مداح سے ملاقات کی ویڈیو وائرل

جو روٹ کا اپنے نابینا مداح سے ملاقات

لندن (ڈیلی پاکستان آن لائن) انگلش کرکٹر جو روٹ نے 12 سالہ نابینا مداح روی سے ملاقات کر کے شائقین کے دل جیت لیے۔

یہ بھی پڑھیں: ساجد میر کے انتقال کے باعث خالی ہونیوالی سینیٹ کی نشست پر الیکشن شیڈول جاری

خصوصی تحفے اور جذباتی پیغام

نجی ٹی وی ایکسپریس نیوز کے مطابق ایجبسٹن ٹیسٹ کے چوتھے روز سابق انگلش کپتان جو روٹ ننھے مداح روی سے خصوصی طور پر ملنے آئے جہاں انہوں نے اسے دستخط شدہ انگلینڈ کی شرٹ اور گلوز تحفے میں دیے اور ایک جذباتی پیغام بھی لکھا: "اس کھیل سے لطف اندوز ہوتے رہو، اور سپورٹ کا شکریہ"۔

یہ بھی پڑھیں: معرکہ حق میں تاریخی فتح پر ملک بھر میں یوم تشکر، افواجِ پاکستان کو خراج تحسین

روی کا شوق اور جو روٹ کے ساتھ مکالمہ

روی پیدائشی طور پر بینائی سے محروم کرکٹ کے پرجوش مداح ہیں جو سٹیڈیم میں باقاعدگی سے میچ دیکھنے آتے ہیں۔ اس موقع پر روی اور جو روٹ کے درمیان دلچسپ مکالمہ بھی ہوا۔

یہ بھی پڑھیں: مسلمان اپنی نالائقیوں کی وجہ سے اپنا سب کچھ کھو چکے تھے، ہندو اپنی عیاری سے اب انگریز کیساتھ مل گیا تھا،مسلمانوں کیلئے ہر طرح کی مشکلات تھیں

ہدف chase کرنے کا اعتماد

روی نے جو روٹ سے سوال پوچھا کہ "کیا آپ کو 400 سے زیادہ کا ہدف چیس کرنے کا اعتماد ہے؟" جو روٹ نے مسکراتے ہوئے جواب دیا: "یہ تکبر نہیں، مگر ہاں، ہمیں پورا یقین ہے۔ ہم کوشش ضرور کریں گے۔ ہمارے پاس زبردست فارم میں کئی کھلاڑی ہیں اور ہم پُراعتماد ہیں کہ ہم کچھ بھی حاصل کر سکتے ہیں۔"

یہ بھی پڑھیں: یہ سب سیاسی کیریئر بچانے کے لیے مودی کا ڈرامہ ہے۔ پاکستانی عوام مودی کی اصلیت جان گئی۔

شریر سوال اور جو روٹ کا جواب

روی نے پھر شرارتی انداز میں پوچھا "اگر آخری دن ہدف 600 سے بھی اوپر ہو تو؟" جس پر روٹ نے ایک لمحہ ضائع کیے بغیر کہا کہ "تو پھر؟ صرف 6 رنز فی اوور ہی تو ہیں... ہم ضرور کوشش کریں گے!"۔

میچ کی صورتحال

واضح رہے کہ دوسرے ٹیسٹ میں بھارت نے انگلینڈ کو جیت کے لیے 608 رنز کا ہدف دیا ہے جبکہ آج میچ کا پانچواں اور آخری دن ہے، بھارت کی میچ پر گرفت مضبوط نظر آ رہی ہے۔