بھارت میں برطانوی خبررساں ایجنسی رائٹرز کے ایکس اکاؤنٹس بلاک کردیے گئے

بھارتی حکومت کی پابندیاں

نئی دہلی(ڈیلی پاکستان آن لائن) بھارتی سرکار بین الاقوامی میڈیا کی جانب سے سچ دکھانے پر ان کی آواز کو روکنے کے لیے مسلسل پابندیوں کا سہارا لے رہی ہے۔ حالیہ اقدامات میں بھارت نے رائٹرز کے ’ایکس اکاؤنٹس‘ تک اپنے صارفین کی رسائی محدود کر دی ہے۔

یہ بھی پڑھیں: وزیراعلیٰ خیبر پختونخوا اڈیالہ کے باہر بیٹھنے کے بجائے عوامی خدمت پر توجہ دیں، ہمیں اڈیالہ جیل کے باہر بیٹھنے کا نہیں بلکہ عوام کی خدمت کا مینڈیٹ ملا ہے، وزیراعلیٰ مریم نواز

قانونی تقاضے اور بلاک ہونے والے اکاؤنٹس

بھارتی اخبار دی پرنٹ نے اپنی ایک رپورٹ میں بتایا کہ بین الاقوامی خبر رساں ادارے ’رائٹرز‘ کے ایکس اکاؤنٹس کو بھارت میں قانونی تقاضوں کے تحت بلاک کر دیا گیا ہے۔ دی پرنٹ کے مطابق بھارت میں رائٹرز اور رائٹرز ورلڈ کے اکاؤنٹس تک صارفین کی رسائی ممکن نہیں رہی، تاہم صارفین اب بھی رائٹرز کے دیگر 30 اکاؤنٹس تک رسائی حاصل کر سکتے ہیں۔ اس کے علاوہ، رائٹرز کی ویب سائٹ بھی بھارت میں بدستور قابل رسائی ہے۔

یہ بھی پڑھیں: راولپنڈی: شہری کے اغوا میں ملوث پولیس اہلکاروں کے خلاف مقدمہ درج

صارفین کی مشکلات

بھارت میں ایکس استعمال کرنے والے صارفین نے اسکرین شاٹس شیئر کرتے ہوئے دکھایا ہے کہ وہ رائٹرز کے ان اکاؤنٹس تک رسائی حاصل نہیں کر پا رہے۔

یہ بھی پڑھیں: اور اب پنجاب کے تعلیمی اداروں میں بھرتی پر ملازمین کا جنسی جرائم کا ریکارڈ دیکھا جائے گا

سرکاری بیانات کی کمی

رائٹرز نے اکاؤنٹس پر پابندی کے حوالے سے تاحال کوئی باضابطہ بیان جاری نہیں کیا ہے، جب کہ بھارتی وزارتِ الیکٹرانکس و انفارمیشن ٹیکنالوجی نے ’انڈیا ٹوڈے‘ کو بتایا ہے کہ حکومت کی طرف سے ایسے کسی بھی اکاؤنٹ کو بلاک کرنے کا حکم نہیں دیا گیا۔ وزارت کے ترجمان نے بتایا کہ بھارتی حکومت کی جانب سے رائٹرز کے ایکس ہینڈل کو ملک کے اندر محدود کرنے کی کوئی ہدایت نہیں دی گئی، ہم ایکس کے ساتھ مل کر اس مسئلے کو حل کرنے کی کوشش کر رہے ہیں۔

ماضی کے تجربات

دی پرنٹ نے یہ بھی بتایا کہ اس سے قبل بھی جب ایکس (سابقہ ٹوئیٹر) نے قانونی تقاضوں کی بنا پر بھارت میں کچھ اکاؤنٹس تک رسائی محدود کی تھی، تو اس وقت گورنمنٹ گلوبل آفیئرز ہینڈل کے ذریعے باقاعدہ بیانات جاری کیے گئے تھے، لیکن اس بار ایسا کوئی بھی بیان سامنے نہیں آیا ہے۔