پیپلز پارٹی کے سینئر رہنما عبدالستار بچانی انتقال کر گئے

انتقال عبدالستار بچانی

کراچی(ڈیلی پاکستان آن لائن) پیپلز پارٹی کے سینئر رہنما عبدالستار بچانی 78 سال کی عمر میں انتقال کر گئے۔

یہ بھی پڑھیں: بنوں میں امن کمیٹی کے دفتر پر دہشت گردوں کا حملہ، 7 افراد جاں بحق

علاج کی تفصیلات

نجی ٹی وی چینل دنیا نیوز کے مطابق اہل خانہ کے مطابق عبدالستار بچانی کراچی کے ہسپتال میں زیر علاج تھے۔

یہ بھی پڑھیں: فیلڈ مارشل سید عاصم منیر سے ایرانی فوج کے سربراہ کی ٹیلی فونک گفتگو

تعزیت کا اظہار

پیپلز پارٹی کے سینئر رہنما عبدالستار بچانی کے انتقال پر صوبائی وزراء شرجیل میمن، ضیاء لنجار، ذوالفقار شاہ، نثار کھوڑو اور وقار مہدی نے اظہار افسوس اور اہل خانہ سے تعزیت کا اظہار کیا ہے۔

یہ بھی پڑھیں: اسکولوں میں بچوں کے موبائل استعمال کرنے پر پابندی کی قرارداد منظور

عبدالستار بچانی کی شخصیت

شرجیل میمن نے مرحوم عبدالستار بچانی کو ایک بااصول، ملنسار اور عوام دوست شخصیت قرار دیتے ہوئے کہا کہ انہوں نے اپنی زندگی عوام کی خدمت اور جمہوریت کے فروغ کیلئے وقف کی، جمہوریت اور عوام کیلئے ان کی سیاسی جدوجہد اور خدمات کو ہمیشہ یاد رکھا جائے گا۔

اہل خانہ کے ساتھ اظہار یکجہتی

انہوں نے کہا کہ دکھ کی اس گھڑی میں مرحوم عبدالستار بچانی کے اہل خانہ کے ساتھ ہیں۔