بلوچستان: طوفانی بارشیں، آسمانی بجلی اور دیوارگرنے سے بچی سمیت 3 جاں بحق
کوئٹہ میں بارش کے باعث جانی نقصان
کوئٹہ (ڈیلی پاکستان آن لائن) بلوچستان کے اضلاع واشک، لورالائی اور موسیٰ خیل میں موسلادھار بارشوں کے دوران آسمانی بجلی گرنے اور دیوار گرنے کے باعث ایک بچی اور دو نوجوان جاں بحق ہوگئے۔
یہ بھی پڑھیں: ایران کی طرف سے اسرائیل پر داغا گیا نیا میزائل ’سجیل 2‘ کتنا خطرناک ہے؟
نقصانات کی معلومات
نجی ٹی وی جیونیوز نے صوبائی ڈیزاسٹر مینجمنٹ اتھارٹی کے حوالہ سے بتایا کہ بلوچستان کے مختلف اضلاع میں حالیہ بارشوں، طوفانی ہواؤں اور آسمانی بجلی گرنے کے نتیجے میں کئی علاقوں میں نقصانات کی اطلاعات موصول ہوئی ہیں۔
یہ بھی پڑھیں: میٹروبس، اورنج ٹرین اور الیکٹرک بس کے بعد لاہور کی سڑکوں پر ٹرام فرراٹے بھرنے کے لئے تیار
پی ڈی ایم اے کی رپورٹ
پی ڈی ایم اے حکام نے بتایا کہ آبی ریلوں کے باعث متعدد مکانات کو نقصان پہنچا ہے۔ ضلع واشک میں فلیش فلڈ کے نتیجے میں رہائشی مکانات، چار دیواریں اور زرعی زمینیں جزوی طور پر متاثر ہوئی ہیں، نقصانات کا حتمی تخمینہ لگانے کے لیے سروے کا عمل جاری ہے۔
یہ بھی پڑھیں: وزیراعظم شہباز شریف کا ایک بار پھر قطر کا دورہ کریں گے، شیڈول جاری
جاں بحق ہونے والوں کی تفصیلات
پی ڈی ایم اے حکام کے مطابق، ضلع لورالائی میں تیز طوفانی بارش کے باعث دیوار گرنے سے ایک بچی علیزے جاں بحق ہوگئی، جبکہ ضلع موسیٰ خیل میں آسمانی بجلی گرنے کے نتیجے میں دو نوجوان عبدالحلیم اور جمال دین جاں بحق ہوئے۔
یہ بھی پڑھیں: 16 سال سے کم عمر بچوں کے سوشل میڈیا استعمال سے متعلق کیس، 3مارچ تک وفاقی حکومت سے جواب طلب
متاثرہ علاقوں کی صورتحال
حکام کا کہنا ہے کہ ضلع لورالائی اور ضلع سوراب میں موسلادھار بارش کے ساتھ شدید طوفانی ہواؤں کے سبب متعدد گھروں اور سولر پینلز کو نقصان پہنچا ہے۔
یہ بھی پڑھیں: جس نے 9مئی کو آگ لگائی، اس پر پراسیکیوشن کے ساتھ ہیں،چیف جسٹس پاکستان
آئندہ کی پیشن گوئی
دوسری جانب پی ڈی ایم اے نے آج رات اور کل ڈیرہ بگٹی، نصیر آباد اور صحبت پور میں طوفانی بارش کا امکان ظاہر کیا ہے۔
پی ڈی ایم اے کی تیاری
ڈائریکٹر جنرل پی ڈی ایم اے جہاں زیب خان نے بتایا کہ ڈیرہ بگٹی، نصیر آباد اور صحبت پور میں آج رات اور کل طوفانی بارش کا امکان ہے۔ بارشوں سے پیدا ہونے والی ممکنہ ہنگامی صورتحال کے لئے پی ڈی ایم اے تیار ہے جبکہ متعلقہ محکموں کو بھی الرٹ کردیا گیا ہے۔
