کپل شرما کا فی قسط معاوضہ 5 کروڑ، 3 سیزن کی ہوش اُڑا دینے والی آمدن سامنے آگئی

کپل شرما کی نئی انٹری

نئی دہلی (ڈیلی پاکستان آن لائن) بھارت کے معروف اور مہنگے ترین میزبان کپل شرما ایک بار پھر ’دی گریٹ انڈین کپل شرما‘ شو کے تیسرے سیزن میں انٹری کے ساتھ ہی خبروں میں ہیں۔ اس مقبولیت کی ایک وجہ کپل شرما کا فی قسط معاوضہ 5 کروڑ بھارتی روپے بھی ہے۔

یہ بھی پڑھیں: بین الاقوامی سمندری تنظیم آبنائے ہرمز کو دوبارہ کھولنے کے لیے مذاکرات اگلے ہفتے شروع ہونے کے لیے پرامید

تیسرے سیزن کی شروعات

نجی ٹی وی جیونیوز کے مطابق دی گریٹ انڈین کپل شو کا سیزن 3 گزشتہ ماہ 21 جون سے نشر کیا گیا تھا۔ شو میں نوجوت سنگھ سدھو کی واپسی دیکھی گئی ہے اور نوجوت کے ساتھ ارچنا پورن سنگھ بھی شو کا حصہ ہیں۔

یہ بھی پڑھیں: خواتین حجاج کے لئے محرم کی شرط ختم

معاوضے کی تفصیلات

بھارتی میڈیا رپورٹس کے مطابق کپل شرما شو میں فی قسط 5 کروڑ روپے معاوضہ وصول کرتے ہیں۔ کیا آپ جانتے ہیں کہ کپل شرما اپنے شو کے تیسرے سیزن میں بھی پہلے سیزن جتنا معاوضہ ہی وصول کر رہے ہیں؟ کپل شرما نے اپنے شو کے پہلے سیزن کی 13 اقساط کے لیے تقریباً 65 کروڑ روپے معاوضہ وصول کیا تھا۔

یہ بھی پڑھیں: ڈونلڈ ٹرمپ کی گوگل اور مائیکروسافٹ جیسی ٹیک کمپنیوں کو بھارتی شہریوں کو ملازمت دینے پر سخت وارننگ

سیزن 3 کی مالی صورتحال

بھارتی میڈیا کے مطابق کپل شرما نے سیزن 2 کے دوران بھی اتنا ہی معاوضہ (65 کروڑ) وصول کیا تھا، جب کہ کپل کے لیے سیزن 3 کی فیس میں کوئی تبدیلی نہیں کی گئی ہے۔ اگر یہ شو اسی رفتار سے جاری رہا تو کپل کی ان 3 سیزن کی مجموعی آمدنی 195 کروڑ بھارتی روپے تک پہنچ جائے گی۔

یہ بھی پڑھیں: پہلگام حملہ بہار کا الیکشن جیتنے کے لیے کروایا گیا، مودی حکومت قومی سلامتی کے مسائل کو انتخابی فائدے کے لیے استعمال کرتی ہے۔ یشونت سنہا کھل کر بول پڑے۔

ماضی میں کامیابی

یاد رہے کہ کپل شرما نے 2013 میں 'کامیڈی نائٹس ود کپل' سے اپنے شو کا آغاز کیا، جس کے بعد وہ 2016 سے 2023 تک 'دی کپل شرما شو' کے ذریعے عوام کی توجہ حاصل کرتے رہے ہیں۔ شو کا تیسرا سیزن گزشتہ ماہ جون 2025 سے جاری ہے۔

کامیڈی پروگرام کا مقصد

اس کامیڈی پروگرام میں بالی وڈ کے ستارے اپنی فلموں کی پروموشن کے لیے آتے ہیں، جہاں ان سے مزاحیہ گپ شپ کے ساتھ کچھ کھیل بھی کھیلے جاتے ہیں۔