غلط پالیسیاں غربت میں اضافہ کر رہی ہیں: مولانا فضل الرحمان نے پھر حکومت کو کڑی تنقید کا نشانہ بنا ڈالا

مولانا فضل الرحمان کا بیان

لاہور (ڈیلی پاکستان آن لائن) جے یو آئی (ف) کے سربراہ مولانا فضل الرحمان نے کہا ہے کہ حکومت کی غلط پالیسیاں غربت میں اضافہ کر رہی ہیں۔

یہ بھی پڑھیں: سربراہ پاک بحریہ ایڈمرل نوید اشرف کا سی ایم ایچ راولپنڈی کا دورہ

حکومتی پالیسیاں اور تاجر برادری

’’جنگ‘‘ کے مطابق، لاہور میں متحدہ ایکشن کمیٹی سرکلر روڈ کے وفد سے ملاقات میں مولانا فضل الرحمان نے کہا ہے کہ شہر کی خوبصورتی کے لیے لاکھوں افراد کو بے روزگار کرنے کی اجازت نہیں دی جا سکتی۔ ان کی جماعت پوری قوت کے ساتھ تاجر برادری کے ساتھ کھڑی ہے۔ بجٹ میں ہر چیز کو مہنگا کر دیا گیا، غریب آدمی کی قوت خرید جواب دے گئی۔

کمیٹی کے مطالبات کی حمایت

انہوں نے کمیٹی کے مطالبات کی حمایت کا اعلان کیا۔ کمیٹی کے اراکین کا کہنا تھا کہ حکومت شاہ عالم مارکیٹ اور سرکلر روڈ پر 7 ہزار دکانوں اور 500 گھروں کو مسمار کرنا چاہتی ہے۔