سویڈن نے پاکستان میں ویزا سروسز دوبارہ شروع کرنے کا اعلان کردیا

سویڈن کا پاکستان میں ویزا سروسز دوبارہ شروع کرنے کا اعلان

سٹاک ہوم (ڈیلی پاکستان آن لائن) یورپی ملک سویڈن نے پاکستان میں ویزا سروسز دوبارہ شروع کرنے کا اعلان کردیا۔

یہ بھی پڑھیں: بل گیٹس کا ڈبلیو ایچ او کے ذریعے پاکستان کے سیلاب متاثرین کیلئے ایک ملین ڈالر امداد کا اعلان

دوطرفہ سیاسی مشاورت

ترجمان دفتر خارجہ کے مطابق 2 جولائی کو سٹاک ہوم میں پاکستان اور سویڈن کی وزارت خارجہ کے درمیان ہونے والے دوطرفہ سیاسی مشاورت کے بعد سویڈن کی حکومت نے اسلام آباد میں ویزا سروسز دوبارہ شروع کرنے کا اعلان کیا۔

یہ بھی پڑھیں: ایران امریکا مذاکرات خوش آئند ہیں، فریقین سنہری موقع سے فائدہ اُٹھائیں، سیکرٹری جنرل اقوام متحدہ

ویزے کی درخواست کی خصوصیات

ترجمان نے کہا کہ اس سے پاکستانیوں کو مختصر قیام کیلئے سویڈن جانے کی سہولت ملے گی۔ 7 جولائی 2025 سے پاکستانی شہری 90 دن تک کے سویڈن کے دوروں کیلئے پاکستان سے شینجن ویزا کیلئے درخواست دے سکتے ہیں۔

یہ بھی پڑھیں: اپنے آپ سے ایماندارانہ رویہ اختیار کرنا آسان نہیں، اکثر خواتین معاشرے کی جانب سے ملنے والے پیغامات اپنا لیتی ہیں اور ویسا ہی طرز عمل اپنا لیتی ہیں

دوطرفہ تعلقات کی مضبوطی

ترجمان نے کہا کہ پاکستان اس مثبت پیش رفت کا خیرمقدم کرتا ہے جو دونوں ممالک کے درمیان دوطرفہ تعلقات کی مضبوطی کی عکاسی کرتا ہے۔

پاکستانی وفد کی قیادت

انہوں نے کہا کہ سٹاک ہوم میں دوطرفہ مشاورت میں پاکستانی وفد کی قیادت ایڈیشنل سیکرٹری خارجہ (یورپ) نے کی جبکہ سویڈن کی طرف سے سویڈش وزارت خارجہ کے ڈائریکٹر جنرل برائے عالمی امور نے کی۔