اگر کوئی تشدد کرے تو وہ حالات کا ذمہ دار ہوگا، ہم ہر صورت ڈی چوک پہنچیں گے: علی امین گنڈاپور

وزیراعلیٰ خیبرپختونخوا کا عزم

پشاور (ڈیلی پاکستان آن لائن) وزیراعلیٰ خیبرپختونخوا علی امین گنڈاپور نے کہا ہے کہ ہر صورت ڈی چوک جائیں گے، اکیلا بھی رہ گیا، تب بھی جاؤں گا۔ اگر کسی نے تشدد کیا تو حالات کا وہ ذمہ دار ہوگا، میرے پاس احتجاج ملتوی کرنے کا اختیار نہیں۔

یہ بھی پڑھیں: سپریم کورٹ نے مارگلہ ہلز میں غیر قانونی تعمیرات پر رپورٹ طلب کرلی

احتجاج کی تیاری

نجی ٹی وی چینل ہم نیوز کے مطابق پاکستان تحریک انصاف کی جانب سے آج اسلام آباد میں ڈی چوک پر احتجاج کا اعلان کیا گیا ہے، حکومت نے بھی احتجاج سے نمٹنے کا پلان فائنل کر لیا ہے۔ اسلام آباد کے تمام راستے کنٹینرز لگا کر بند کر دیے گئے ہیں، وفاقی دارالحکومت میں تمام نجی سکول آج بند ہیں، میٹرو سروس معطل رہے گی جبکہ 60 افغانوں سمیت 400 سے زائد پی ٹی آئی کارکنوں کو گرفتار کر لیا گیا۔

یہ بھی پڑھیں: دہشتگردی کے خاتمے کا مشن قومی اور اجتماعی عزم کیساتھ آگے بڑھایا جائے گا:آرمی چیف جنرل سید عاصم منیر

پرامن احتجاج کا عزم

اس تناظر میں وزیراعلیٰ خیبرپختونخوا نے کہا ہے کہ ہماری تیاری مکمل ہے اور ہمارا احتجاج پُرامن ہے۔ اگر ہمارے جلوس پر کسی نے تشدد کیا تو حالات کا وہ ذمہ دار ہوگا۔ علی امین گنڈاپور نے مزید کہا کہ بانی قائد عمران خان کا حکم میرے لیے ریڈ لائن ہے۔ مجھ سے احتجاج کے حوالے سے رابطہ کرنے کی ضرورت نہیں ہے، میرے پاس احتجاج ملتوی کرنے کا اختیار نہیں ہے، میرا اختیار عمران خان کے پاس ہے۔

پیش قدمی کا عزم

وزیراعلی خیبرپختونخوا کا کہنا تھا کہ جب تک بانی قائد کا حکم نہیں آتا میں آگے بڑھتا رہوں گا۔ اگر جلوس میں اکیلا بھی رہ جاتا ہوں، تب بھی آگے بڑھتا رہوں گا۔