انگلینڈ کا پیس اٹیک میں تبدیلی پر غور، اہم فاسٹ بولرز کی واپسی متوقع

انگلینڈ کی پیس اٹیک میں تبدیلی کا امکان

لندن (ڈیلی پاکستان آن لائن) ایجبسٹن میں شکست کے بعد انگلینڈ نے اپنی پیس اٹیک میں تبدیلی پر غور شروع کر دیا ہے۔
نجی ٹی وی ایکسپریس نیوز کے مطابق، جمعرات سے بھارت کے خلاف لارڈز میں شروع ہونے والے تیسرے ٹیسٹ میں تازہ دم فاسٹ بولرز کو میدان میں اتارا جا سکتا ہے۔

یہ بھی پڑھیں: پاکستان کا امریکی پابندیوں پر سخت ردعمل، فیصلہ متعصبانہ قرار دے دیا

نئے کھلاڑی کی شمولیت

اس مقصد کے لیے سکواڈ میں گس ایٹکنس کو شامل کر لیا گیا ہے، جو ہیمسٹرنگ انجری کی وجہ سے پہلے ٹیم سے باہر تھے۔
بھارت کے خلاف ابتدائی 2 ٹیسٹ میچز میں بریڈن کارس، جوش ٹونگ اور کرس ووکس نے پیس بولنگ کا بوجھ اٹھایا تھا۔

یہ بھی پڑھیں: چار قتل کرنے والے قیدی نے اپنی بیوی کو جیل میں ازدواجی ملاقات کے دوران قتل کر دیا

مستقبل کے لیے متبادل بولنگ آپشنز

ایٹکنسن نے سکواڈ میں جوفرا آرچر، سیم کک اور جیمی اورٹن کو جوائن کیا ہے، جو اگلے میچ کے لیے متبادل سیم بولنگ آپشن ہو سکتے ہیں۔

ہیڈ کوچ کا بیان

ہیڈ کوچ برینڈن میک کولم نے کہا کہ ابتدائی 2 میچز کی الیون میں شامل پیسرز نے کافی بولنگ کی ہے، انھیں آرام کا موقع دینے کے آپشن کو خارج از امکان قرار نہیں دیا جا سکتا۔
آرچر بھی فٹ ہیں اور میدان میں اترنے کے لیے تیار ہیں، ہم کوئی بھی فیصلہ اگلے 2 روز میں صورتحال دیکھ کر کریں گے۔