دفتر سے 15 لاکھ روپے کی چوری کا ڈراپ سین؛ آفس بوائے ہی ماسٹر مائنڈ نکلا

چوری کا ڈرامہ: آفس بوائے کا ماسٹر مائنڈ ہونا

لاہور(ڈیلی پاکستان آن لائن) دفتر سے 15 لاکھ روپے کی چوری کا ڈارپ سین ہوگیا، جس میں آفس بوائے ہی واردات کا ماسٹر مائنڈ نکلا۔

واقعہ کی تفصیلات

نجی ٹی وی ایکسپریس نیوز نے پولیس کے حوالے سے بتایاکہ آفس سے 15 لاکھ روپے کی چوری کا واقعہ تھانہ ریس کورس کی حدود میں پیش آیا تھا، جس میں پولیس نے سی سی ٹی وی فوٹیج کی مدد سے ملزم کو 8 گھنٹوں میں گرفتار کرلیا۔

ملزم کی منصوبہ بندی

ترجمان کے مطابق ملزم نے 15 لاکھ کی رقم خورد برد کرنے کے لیے چوری کا جھوٹا ڈراما رچایا۔ ملزم صہیب 5 سال سے اسی دفتر میں بطور آفس بوئے کام کر رہا تھا، جس نے منصوبہ بندی کے تحت رقم کو کچن میں چُھپا دیا اور چوری کا جھوٹا ڈراما کیا۔

پولیس کی کارروائی

ایس پی چوہدری اثر علی نے بتایا کہ ملزم صہیب سے چوری شدہ 15 لاکھ روپے برآمد کرلیے گئے ہیں، جس کے خلاف مقدمہ درج کرکے اسے انویسٹی گیشن کے حوالے کردیا گیا ہے۔