وفاقی حکومت کا مختلف شعبوں میں اصلاحات اور کارکردگی میں بہتری لانے کا فیصلہ

وفاقی حکومت کا اہم فیصلہ

لاہور (ڈیلی پاکستان آن لائن) وفاقی حکومت نے مختلف شعبوں میں اصلاحات اور کارکردگی میں بہتری لانے کے لئے اہم فیصلہ کیا ہے۔

یہ بھی پڑھیں: پیروی کرنے والی خاتون ہی قتل کر دی گئی، نہ رہا بانس اور نہ بجی بانسری، معاملہ ٹھپ، بڑے عہدوں پر کمزور تعینات کیے جائیں تو نتائج بھگتنے پڑتے ہیں

وزیراعظم کی ناپسندیدگی

نجی ٹی وی سماء نیوز کے مطابق وزیراعظم شہباز شریف وزارت تجارت، صنعت و پیداوار اور اطلاعات سمیت کئی وزارتوں کے سیکرٹریز سے ناخوش ہیں۔ وزیراعظم نے 7 وزارتوں کے سیکرٹریز نجی شعبے سے لینے کی ہدایت کردی۔

یہ بھی پڑھیں: متحدہ عرب امارات میں شدید دھند کے باعث ریڈ اور یلو الرٹ جاری

اسٹیبلشمنٹ ڈویژن کا اشتہار

اسٹیبلشمنٹ ڈویژن نے باقاعدہ اشتہار جاری کردیا، جس میں پرنسپل اکاؤنٹنگ آفیسرز، ٹیکنیکل ایڈوائزرز اور مختلف اداروں کے سربراہان کے لیے درخواستیں طلب کی گئی ہیں۔ اہم عہدوں پر تعیناتیاں 2 سال کی کارکردگی کی بنیاد پر کنٹریکٹ پر ہوں گی۔

یہ بھی پڑھیں: علی امین گنڈا پور کی گرفتاری

نئی بھرتی پالیسی

نئی پالیسی کے تحت گریڈ 22 کے افسران کو بھی پرکشش ملازمت لینے کا موقع دیا جائے گا۔ بھرتی ہونے والے افسران کو بھاری تنخواہیں اور مراعات دی جائیں گی۔ اہلیت کے لیے کم از کم ماسٹرز، 20 سال کا تجربہ اور 12 سال سینئر سطح پر خدمات کی شرط رکھی گئی ہے۔ امیدوار کی زیادہ سے زیادہ عمر 60 سال ہوگی، مزید رعایت بھی دی جا سکے گی۔

حکومتی اقدام کا مقصد

وزیراعظم ہاؤس کے مطابق، حکومتی اقدام سے نظام کو مؤثر، فعال اور جدید بنایا جاسکے گا۔ بہترین ماہرین کو راغب کرنے کے لیے تنخواہیں اور مراعات مارکیٹ ریٹس کے مطابق ہوں گے۔