نادرا دفاتر کے باہر PAK-ID موبائل ایپ کے ذریعے شہریوں کے ساتھ فراڈ، انتباہ جاری

نادرا کا انتباہ

اسلام آباد (ڈیلی پاکستان آن لائن) نادرا نے ملک بھر کے شہریوں کے لیے انتباہ جاری کرتے ہوئے انہیں جعلسازوں سے ہوشیار رہنے کی ہدایت کی ہے۔

یہ بھی پڑھیں: اسلام آباد ہائی کورٹ اور ماتحت عدالتوں کے پریکٹس اینڈ پروسیجر رولز 2025 کی منظوری کا نوٹیفکیشن جاری

جعلسازوں کی سرگرمیاں

نادرا نے اپنے اعلامیہ میں شہریوں کو آگاہ کیا ہے کہ کچھ افراد نادرا دفاتر کے باہر غیر قانونی طور پر شہریوں کو PAK-ID موبائل ایپ کے ذریعہ درخواستوں کی تیاری میں مدد دینے کے عوض پیسے وصول کر رہے ہیں، جو مکمل طور پر غیر قانونی ہے۔

یہ بھی پڑھیں: طیارے گرنے کے اعتراف کے بعد بھارتی صحافی مودی سرکار اور فوج پر برس پڑے

رسمی فیس کی وضاحت

نادرا کی تمام خدمات کی فیس سرکاری طور پر مقرر ہے اور کسی غیر مجاز کو پیسے وصول کرنے کا اختیار نہیں۔

شہریوں کے لیے ہدایت

نادرا کی جانب سے شہریوں کو ایسے عناصر سے ہوشیار رہنے کی ہدایت کی گئی ہے اور کہا گیا ہے کہ کسی بھی فرد کو نادرا سے متعلق درخواست کے لیے پیسے نہ دیں۔ صرف نادرا دفاتر، ویب سائٹ یا PAK-ID ایپ کے ذریعہ درخواست دیں۔