عبدالستار ایدھی جیسے لوگ انسانیت کی معراج اور معاشرے کی خوبصورتی ہیں،وزیر اعلیٰ مریم نواز

وزیراعلیٰ پنجاب کی تعریفی تقریر

لاہور (ڈیلی پاکستان آن لائن) وزیراعلیٰ پنجاب مریم نواز نے کہا ہے کہ عبدالستار ایدھی کو سلام پیش کرتی ہوں۔ عبدالستار ایدھی کی زندگی سکھاتی ہے کہ اگر جذبہ صادق ہو تو ایک فرد بھی انسانی خدمت کر سکتا ہے۔ وزیراعلیٰ نے عبدالستار ایدھی کو 8 ویں برسی پر خراج تحسین پیش کیا۔

یہ بھی پڑھیں: مادھوری نے اپنا دفتر 3 لاکھ روپے کرائے پر دے دیا، سیکیورٹی ڈیپازٹ کتنا لیا؟ جان کر یقین نہ آئے

عبدالستار ایدھی کا اثر

وزیراعلیٰ مریم نواز نے کہا کہ عبدالستار ایدھی پاکستان کا فخر ہیں، ان کا نام تا قیامت زندہ رہے گا۔ عبدالستار ایدھی جیسے لوگ انسانیت کی معراج اور معاشرے کی خوبصورتی ہیں۔ برس ہا برس لالچ اور طمع کے بغیر انسانیت کی خدمت عبدالستار ایدھی کی بے مثال انفرادیت ہے۔ عبدالستار ایدھی کی شخصیت ہر انسان کے لئے قابل تقلید ہے۔ ان کا مقصد فلاح انسانیت تھا، اور ان کے مشن کو جاری رہنا چاہیے۔ دنیا بھر میں عبدالستار ایدھی کا نام عزت و احترام کی علامت بن چکا ہے۔

انسانیت کی خدمت

وزیراعلیٰ مریم نواز نے کہا کہ انسانوں کی خدمت کرنے والا اللہ تعالیٰ کے پسندیدہ بندوں میں شمار ہوتا ہے۔ عبدالستار ایدھی کی روشن شمع سے آج لاکھوں لوگوں کی زندگیاں منور ہو رہی ہیں۔ عبدالستار ایدھی کی زندگی سماجی خدمتگاروں کے لئے مشعل راہ ہے۔ پنجاب میں انسانیت کی خدمت کے لیے ہمت کارڈ، راشن کارڈ اور دھی رانی پروگرام جیسے پراجیکٹس لانچ کیے گئے ہیں۔