اوورسیز پاکستانیوں نے ترسیلات زر ملک بھیجنے کے گزشتہ تمام ریکارڈ توڑ ڈالے

گزارشات زر میں ریکارڈ اضافہ

کراچی (ڈیلی پاکستان آن لائن) اوورسیز پاکستانیوں نے ڈالرز وطن بھیجنے کا نیا ریکارڈ قائم کر دیا ہے۔

یہ بھی پڑھیں: اوورسیز پاکستانیوں کی خدمات کے اعتراف میں “فرزندِ پاکستان ایوارڈ” چوہدری شفقت محمود کے نام

ترسیلات زر میں اضافہ

سٹیٹ بینک کے مطابق اوورسیز پاکستانیوں نے ایک سال میں 38 ارب 30 کروڑ ڈالرز وطن بھیجے، مالی سال 25-2024ء میں ترسیلات زر کی آمد میں 27 فیصد اضافہ ہوا۔

یہ بھی پڑھیں: مقبوضہ جموں و کشمیر، فلسطین سمیت ہر ملک میں صحافیوں پر تشدد قابل مذمت ہے:مریم نواز

بینک کی رپورٹ

مرکزی بینک کے مطابق مالی سال 25-2024ء میں گزشتہ سال کے مقابلے میں اوورسیز پاکستانیوں نے 8 ارب ڈالرز زیادہ بھیجے۔ رپورٹ کے مطابق جون 2025ء میں پاکستانی محنت کشوں نے 3 ارب 40 کروڑ 60 لاکھ ڈالرز وطن بھیجے، جو کہ جون 2024ء کے مقابلے میں ترسیلات زر میں 8 فیصد اضافہ ظاہر کرتا ہے۔ معاشی ماہرین کے مطابق ترسیلات زر میں اضافہ ہونے سے پاکستان کا کرنٹ اکاؤنٹ سرپلس ہوا۔

ترسیلات زر کی تفصیلات

رپورٹ کے مطابق جون میں سب سے زیادہ 82 کروڑ 32 لاکھ ڈالر سعودی عرب میں مقیم پاکستانیوں نے بھیجے۔ دوسرے نمبر پر 71 کروڑ 72 لاکھ ڈالر یو اے ای سے پاکستانیوں نے وطن بھیجے۔ برطانیہ سے 53 کروڑ 76 لاکھ ڈالر اور امریکہ سے 28 کروڑ 12 لاکھ ڈالر پاکستانیوں نے وطن بھیجے۔