پروفیسر ڈاکٹر زاہد منیر عامر کی سفر نامہ نگاری پر علامہ عبدالستارعاصم کی کتاب ’’جہاں اوربھی ہیں‘‘ شائع ہوگئی

کتاب "جہاں اور بھی ہیں" کی اشاعت

لاہور (طیبہ بخاری سے) معروف دانشور ادیب شاعر، محقق، مصنف، ادیب پروفیسر ڈاکٹر زاہد منیر عامر کی سفر نامہ نگاری پر علامہ عبد الستار عاصم کی مرتب کردہ تازہ کتاب "جہاں اور بھی ہیں" شائع ہوگئی۔ اس کتاب کا انتساب محسن صحافت بابائے صحافت جناب مجیب الرحمان شامی کی قومی خدمات کے اعتراف میں منسوب ہے۔

یہ بھی پڑھیں: 2019 میں بھارتی پائلٹ کو چائے پلائی، اب ایسا کچھ ہوا تو بھرپور جواب دینگے: وزیر اطلاعات

ڈاکٹر زاہد منیر عامر کی خدمات

پاکستان کے اہم اور قابل رشک اساتذہ اور محققین کی فہرست میں ڈاکٹر زاہد منیر عامر کا نام نمایاں ہے۔ انہوں نے وطن عزیز میں اور پنجاب یونیورسٹی میں اعلیٰ ترین تعلیمی، تحقیقی اور انتظامی خدمات انجام دی ہیں، اور ان کی خدمات کو عالمی سطح پر بھی بڑے پیمانے پر سراہا گیا ہے۔ یقیناً آنے والی نسلیں ایسے اساتذہ کے نقشِ قدم پر چل کر پاکستان کو تعلیم یافتہ ممالک کی فہرست میں پہلے نمبر پر لا سکیں گی۔

یہ بھی پڑھیں: ملک بھر میں گرمی کی لہر مزید کتنے روز رہے گی، محکمہ موسمیات نے بتادیا

سفر نامے اور عالمی تجربات

ڈاکٹر زاہد منیر عامر کم و بیش 60 سے زائد کتابوں کے مصنف ہیں۔ آپ نے بیسیوں ممالک کے اسفار کیے اور کئی کتابیں سفر نامے کی صورت میں اپنے قارئین اور اردو ادب کو دیں۔ آپ کے لکھے سفر ناموں کو علمی ادبی حلقوں میں بے حد پذیرائی حاصل ہوئی۔ جہاں بھی گئے، پاکستان کے عوامی سفیر بن گئے۔

یہ بھی پڑھیں: 2022 سے اب تک ملکی تاریخ کا بدترین مہنگائی کا بم عوام پر پھوڑا گیا ، وقت سے پہلے پیٹرولیم قیمتیں بڑھا کر 20 ارب روپے کمپنیوں کی جیب میں ڈالے گئے، تیمور سلیم جھگڑا

زبانوں کی مہارت اور شراکت

ڈاکٹر زاہد منیر عامر اردو، فارسی، عربی اور انگریزی کے علاوہ دیگر کئی زبانوں پر عبور رکھتے ہیں۔ انہوں نے اردو کے علاوہ انگریزی، فارسی اور عربی میں بھی اپنے اسفار کی روداد قلم بند کی اور وہ شائع ہوئیں۔

یہ بھی پڑھیں: ایف بی آر نے کراچی میں جعلی ٹریک اینڈ ٹریس اسٹیمپس والی چینی کی 1800 بوریاں ضبط کرلیں

تحقیقی مضامین اور یونیورسٹیوں کی شراکت

دنیا بھر کی درجنوں یونیورسٹیوں میں ڈاکٹر زاہد منیر عامر کے سفرناموں پر تحقیقی مضامین اور مقالہ جات لکھے گئے۔ پاکستان کی جامعات کے علاوہ جامعتہ الازھر قاہرہ (مصر) اور یونیورسٹی آف تہران میں بھی آپ کے اسفار پر مقالہ جات لکھے گئے۔

کتاب "جہاں اور بھی ہیں" کی خصوصیات

ساڑھے آٹھ سو سے زائد صفحات پر، علامہ عاصم کی مرتب کردہ کتاب "جہاں اور بھی ہیں" ڈاکٹر صاحب کی سفر نامہ نگاری پر ایک عظیم اور محنت طلب کام ہے۔ کتاب کا ٹائیٹل دلکش اور دیدہ زیب ہے، جبکہ جلد مضبوط اور کاغذ بہت عمدہ ہے۔ طباعت و کتابت بھی بہت معیاری ہے اور یہ قلم فاؤنڈیشن کے روایتی معیار کی عکاسی کرتی ہے۔