عمران خان کے صاحبزادے پاکستان نہیں جا رہے، صحافی اظہر جاوید کا دعویٰ

عمران خان کے بیٹوں کا پاکستان آنا

لندن (ڈیلی پاکستان آن لائن) صحافی اظہر جاوید کا کہنا ہے کہ عمران خان کے صاحبزادے قاسم اور سلیمان حکومت کی اجازت کے بغیر پاکستان نہیں آسکتے، جب کہ ان کی والدہ جمائمہ خان نے بھی انہیں روک دیا ہے۔

یہ بھی پڑھیں: ٹرمپ انتظامیہ نے گرین کارڈ پالیسی تبدیل کردی، امریکہ میں مقیم غیر ملکیوں کو کیا کرنا ہوگا؟

ویزا کی ضرورت

آزاد ڈیجیٹل کیلئے اپنی رپورٹ میں اظہر جاوید نے لندن میں پاکستانی ہائی کمیشن کے باہر کھڑے ہو کر ویڈیو بنائی۔ انہوں نے دعویٰ کیا کہ سلیمان اور قاسم کے پاس اوور سیز پاکستانیوں کیلئے مختص قومی شناختی کارڈ نہیں ہے، بلکہ وہ برطانوی پاسپورٹ کے حامل ہیں۔ انہیں پاکستان آنے کیلئے حکومت پاکستان کی اجازت اور ویزا درکار ہوگا۔

یہ بھی پڑھیں: امریکی خاتون نے سوشل میڈیا پر دوستی کے بعد جھنگ پہنچ کر نوجوان سے شادی کرلی

پہلے کے تجربات

انہوں نے بتایا کہ اس سے پہلے بھی عمران خان کے صاحبزادے جب بھی پاکستان گئے تو انہوں نے اپنے برطانوی پاسپورٹ پر پاکستان کا ویزا لگوایا۔

یہ بھی پڑھیں: این ڈی ایم اے کی سال 2026 میں 22 سے 26 فیصد زائد بارشوں کی پیش گوئی

والدہ کی تشویش

اظہر جاوید نے مزید دعویٰ کیا کہ سلیمان اور قاسم کی والدہ جمائمہ خان نے بھی اپنے بیٹوں کو پاکستان جانے سے روک دیا ہے کیونکہ وہ ان کے حوالے سے کافی فکر مند ہیں۔ اس کے علاوہ عمران خان کے برطانیہ میں موجود قریبی دوست بھی نہیں چاہتے کہ وہ پاکستان جائیں۔

علیمہ خانم کا بیان

واضح رہے کہ عمران خان کی بہن علیمہ خانم نے کہا تھا کہ سلیمان اور قاسم پاکستان آکر احتجاجی تحریک کی قیادت کریں گے۔