عمران خان کے صاحبزادے پاکستان نہیں جا رہے، صحافی اظہر جاوید کا دعویٰ

عمران خان کے بیٹوں کا پاکستان آنا

لندن (ڈیلی پاکستان آن لائن) صحافی اظہر جاوید کا کہنا ہے کہ عمران خان کے صاحبزادے قاسم اور سلیمان حکومت کی اجازت کے بغیر پاکستان نہیں آسکتے، جب کہ ان کی والدہ جمائمہ خان نے بھی انہیں روک دیا ہے۔

یہ بھی پڑھیں: شاہ رخ، عاطف اور ہمایوں، ماہرہ خان نے تینوں سٹارز کے بارے میں کیا بتایا؟

ویزا کی ضرورت

آزاد ڈیجیٹل کیلئے اپنی رپورٹ میں اظہر جاوید نے لندن میں پاکستانی ہائی کمیشن کے باہر کھڑے ہو کر ویڈیو بنائی۔ انہوں نے دعویٰ کیا کہ سلیمان اور قاسم کے پاس اوور سیز پاکستانیوں کیلئے مختص قومی شناختی کارڈ نہیں ہے، بلکہ وہ برطانوی پاسپورٹ کے حامل ہیں۔ انہیں پاکستان آنے کیلئے حکومت پاکستان کی اجازت اور ویزا درکار ہوگا۔

یہ بھی پڑھیں: ہر طرف سناٹا چھایا ہوا تھا، ٹریفک بھی نہ ہونے کے برابر تھی، کبھی کبھار کسی بھاگتے ہوئے گھوڑے کی ٹاپوں کی آواز سنائی دے جاتی تھی، سارا شہر سو رہا تھا.

پہلے کے تجربات

انہوں نے بتایا کہ اس سے پہلے بھی عمران خان کے صاحبزادے جب بھی پاکستان گئے تو انہوں نے اپنے برطانوی پاسپورٹ پر پاکستان کا ویزا لگوایا۔

یہ بھی پڑھیں: فضائیہ کی ذلت کے بعد وزیر دفاع راج ناتھ سنگھ کی اگلے حملے میں اپنی بحریہ کو آگے کرنے کی خفت بھر ی دھمکی، پاک فوج کے ترجمان کا موقف بھی آگیا

والدہ کی تشویش

اظہر جاوید نے مزید دعویٰ کیا کہ سلیمان اور قاسم کی والدہ جمائمہ خان نے بھی اپنے بیٹوں کو پاکستان جانے سے روک دیا ہے کیونکہ وہ ان کے حوالے سے کافی فکر مند ہیں۔ اس کے علاوہ عمران خان کے برطانیہ میں موجود قریبی دوست بھی نہیں چاہتے کہ وہ پاکستان جائیں۔

علیمہ خانم کا بیان

واضح رہے کہ عمران خان کی بہن علیمہ خانم نے کہا تھا کہ سلیمان اور قاسم پاکستان آکر احتجاجی تحریک کی قیادت کریں گے۔