دھمکی ملی ہے میرے بیٹے والد سے ملنے پاکستان گئے تو گرفتار کرلیا جائے گا: جمائمہ
جمائمہ گولڈ سمتھ کا الزام
لندن(ڈیلی پاکستان آن لائن) بانی پاکستان تحریک انصاف (پی ٹی آئی) عمران خان کی سابق اہلیہ جمائمہ گولڈ سمتھ نے الزام عائد کیا ہے کہ ان کے بیٹوں کو والد سے فون پر بات کرنے کی اجازت نہیں دی جارہی۔
یہ بھی پڑھیں: وزیر اعلیٰ پنجاب کا سینئر صحافی خالد احمد کے انتقال پر اظہار افسوس
قید تنہائی کی صورتحال
ڈان نیوز کے مطابق سماجی رابطے کی ویب سائٹ ’ایکس‘ پر جاری بیان میں انہوں نے الزام عائد کیا کہ ان کے سابق شوہر تقریباً 2 سال سے قید تنہائی کا شکار ہیں۔
یہ بھی پڑھیں: اداکارہ مہربانو نے شادی ختم ہونے کی تصدیق کردی
پاکستانی حکومت کی دھمکی
جمائمہ نے مزید کہا کہ پاکستانی حکومت کی جانب سے دھمکی دی جارہی ہے کہ اگر ان کے بیٹوں نے پاکستان جا کر ان سے ملنے کی کوشش کی تو انہیں بھی گرفتار کر کے جیل میں ڈال دیا جائے گا۔ انہوں نے کہا کہ یہ کسی جمہوریت میں نہیں ہوتا، یہ سیاست نہیں، بلکہ ذاتی دشمنی کا فعل ہے۔
یہ بھی پڑھیں: انسانی سمگلنگ اور گداگری روکنے کیلئے تمام ایئرپورٹس پر کیمرے لگانے کا فیصلہ
رانا ثنااللہ کا بیان
یاد رہے کہ وزیر اعظم کے مشیر رانا ثنااللہ کہہ چکے ہیں کہ اگر کسی نے بیرون ملک سے آ کر دنگا فساد کی کوشش کی تو اسے گرفتار کر لیا جائے گا۔
یہ بھی پڑھیں: تحریک انصاف کی پریس کانفرنس کی کوریج پر 8صحافیوں کیخلاف مقدمہ ،صدر لاہور پریس کلب کی شدید مذمت
بیرسٹر عقیل ملک کی تشریح
بیرسٹر عقیل ملک نے بھی واضح کیا ہے کہ اگر برطانوی پاسپورٹ ہولڈر کسی شخص نے سیاسی مہم چلانے کی نیت سے ویزے کی درخواست دی تو اسے ویزا جاری ہی نہیں کیا جا سکتا۔
یہ بھی پڑھیں: بھارت کا ہیلی کاپٹر تباہ، 6 افراد ہلاک ، یہ کون تھے؟ تفصیل سامنے آ گئی
سینیٹر عرفان صدیقی کا تبصرہ
مسلم لیگ (ن) سے تعلق رکھنے والے سینیٹر عرفان صدیقی نے کہا تھا کہ اگر قاسم اور سلیمان پاکستان آئے تو وہ یہاں کی گرمی میں پگھل جائیں گے، لیکن والد کو رہا نہیں کروا پائیں گے۔ انہوں نے مزید کہا کہ بانی پی ٹی آئی عمران خان کو صرف اپنے درست رویے سے ہی رہائی مل سکتی ہے۔
قاسم کا پیغام
یاد رہے کہ اس سے قبل عمران خان کے بیٹے قاسم نے بھی ایکس پر پیغام میں کہا تھا کہ ان کے والد کو اپنے بچوں سے بات کرنے کی اجازت نہیں، ذاتی معالج تک رسائی بھی نہیں دی جارہی، انہیں 700 دن سے زائد عرصہ جیل میں ہو چکا ہے۔
