37ڈبل اے سے 30ستمبر تک ملک بھر کی ملیں بند ہو جائیں گی،صدر لاہورچیمبر آف کامرس اینڈ انڈسٹری

لاہور چیمبر کے صدر کا 37 ڈبل اے پر ردعمل

لاہور(ڈیلی پاکستان آن لائن) صدر لاہور چیمبر آف کامرس اینڈ انڈسٹری میاں ابو ذر شاد نے 37 ڈبل اے کو مسترد کرتے ہوئے کہا ہے کہ یہ ہمیں نہ مجبور کریں۔ آپ کی اگلی اسمبلی تمام صنعت مالکان سے بھر جائے گی، ہم تو اپنے کاروبار بند کرنے لگے ہیں، اپنی پراپرٹیز بیچیں گے اور ہم بھی الیکشن لڑیں گے، ہم بھی سیاست میں آئیں گے۔

یہ بھی پڑھیں: شادی کے نام پر کم عمر لڑکی کو گھر سے بھگانے اور ایک ماہ تک زیادتی کرنے والا مشہور ٹک ٹاکر گرفتار

کاروباری خدشات اور 37 ڈبل اے

انہوں نے کہا کہ آپ ہمیں کہہ رہے ہیں کہ 37 ڈبل اے لگا دیں، لگائیں کے دیکھ لیں، 30ستمبر تک آپ کی ملیں بند ہو جائیں گی، میں آپ کو گارنٹی دیتا ہوں۔

یہ بھی پڑھیں: دبئی ایئر شو میں بھارت کو شرمندگی کا سامنا، بھارتی جنگی طیارے تیجس کا ایئر شو کے دوران تیل لیک ہو گیا

اجلاس میں اہم مطالبات

صدر لاہور چیمبر نے ورچوئل اجلاس سے خطاب کرتے ہوئے مطالبہ کیا کہ 37 ڈبل اے کو فوری طور پر موخر کیا جائے اور پورے پاکستان کے چیمبرز کے صدور کو بورڈ میں بٹھایا جائے۔

یہ بھی پڑھیں: وزیر خارجہ اسحاق ڈار کا مصری ہم منصب کے ساتھ ٹیلی فونک رابطہ، خطے کی صورتحال پر مشاورت

معاشی صورتحال کی تشویش

میاں ابوذر شاد نے کہا کہ آپ چلتے ہوئے کاروبار کو بند کرنے جا رہے ہیں، آپ کو تھوڑا احساس ہونا چاہیے۔ ہم 24 ہزار ارب روپے آئی پی پیز کو دے چکے ہیں اور 25 ہزار ارب روپے کی افغان ٹریڈ میں بربادی کی ہے۔

یہ بھی پڑھیں: پاکستان نے غزہ میں پائیدار امن کے لیے ’بورڈ آف پیس‘ میں شمولیت کی دعوت قبول کرلی

سیاست کی سمت

انہوں نے کہا کہ یا تو آپ ہمیں پتھر کی دنیا میں لے جانا چاہتے ہیں یا ہمیں یہ سمجھانے کی کوشش کر رہے ہیں کہ ہم سپر پاور ہیں۔ حکومت کے فیصلے ایسے کیوں ہوں گے؟

یہ بھی پڑھیں: سپین کے وزیراعظم ایک بار پھر ایران پر اسرائیلی اور امریکی حملوں کیخلاف کھل کر بول پڑے

معاشی پالیسیوں کی ناکامی

صدر لاہور چیمبر نے کہا کہ اگر سیاست کا یہی معیار ہے کہ آپ کو پالیسی بنانی نہیں آتی، تو آپ 37 ڈبل اے ہم پر نازل کرکے کیا ثابت کرنا چاہتے ہیں؟

یہ بھی پڑھیں: ایران کے بوشہر نیوکلیئر پاور پلانٹ کے قریب حملے سے تباہ کن تابکاری سانحے کا خدشہ ہے، آئی اے ای اے کی شدید تشویش

چیمبرز کے صدور کا اتحاد

میاں ابوذر شاد کا کہنا تھا کہ میں تمام چیمبرز کے صدور کو سلیوٹ کرتا ہوں، سب اکٹھے ہیں اور جب فیصل آباد، سیالکوٹ، ملتان، کے پی اور کوئٹہ کے صدور کہیں گے کہ ہم سب ایک ہیں۔

یہ بھی پڑھیں: سلمان علی آغا کا سکواڈ میں تبدیلی اور بابراعظم کے بارے میں بڑا دعویٰ

دوہری شہریت کے اثرات

انہوں نے کہا کہ دوہری شہریت والے بیوروکریٹس کی وجہ سے یہ قانون بنا ہے اور اگر یہی لوگ پالیسیاں بنائیں گے، تو ملک قرضوں میں اور دھنستا جائے گا۔

یہ بھی پڑھیں: 24 نومبر کو کوئی رہائی نہیں ہو رہی، سینیٹر فیصل واوڈا

بڑھتی ہوئی غربت

ان کا کہنا تھا کہ جب شہباز شریف اپوزیشن میں تھے تو غربت کی شرح 35 فیصد تھی، آج وہ وزیراعظم ہیں تو یہ 45 فیصد ہو گئی ہے۔

یہ بھی پڑھیں: الیکشن کمیشن نے قومی اسمبلی میں جے یو آئی کی خواتین مخصوص نشست کے کیس کا فیصلہ سنا دیا

آخری پیغام

انہوں نے کہا کہ خدا کے واسطے اس قوم کو معاف کردیں، ورنہ میں حقیقت بتا دوں، نہ رہے گا بانس نہ بجے گی بانسری۔

یہ بھی پڑھیں: کامسیٹس یونیورسٹی لاہور کا 45 واں کانووکیشن، 1689 گریجویٹس نے تعلیمی کامیابیوں کا جشن منایا

شعر

دل کے پھپھولے جل اٹھے سینے کے داغ سے
اس گھر کو آگ لگ گئی اس گھر کے چراغ سے

نئی پالیسی سازوں کی ضرورت

انہوں نے خدا کے لیے پالیسی میکر انسان بیٹھانے کی درخواست کی اور کہا کہ اسرائیل اور انڈیا کے لوگوں کو نہیں بٹھائیں۔