کامران ٹیسوری کا اداکارہ حمیرا اصغر کی تدفین کا اعلان، جنازہ گورنر ہاؤس میں ہوگا

کراچی (ڈیلی پاکستان آن لائن)  ڈیفنس فیز 6 کے فلیٹ میں مردہ پائی گئی اداکارہ حمیرا اصغر کی تدفین کے لئے گورنر سندھ میدان میں آ گئے۔

گورنر سندھ کا اعلان

کامران ٹیسوری نے اداکارہ حمیرا اصغر کی نماز جنازہ اور تدفین اپنے اخراجات پر کرنے کا اعلان کردیا۔ ویڈیو پیغام میں گورنر سندھ نے کہا کہ میری بہن لاوارث نہیں تھی بلکہ اُس کی تدفین اور تمام اخراجات خود ادا کروں گا۔

لواحقین کے لئے پیشکش

سندھ کے دیگر شہریوں کی طرح میں بھی حمیرا اصغر کا بھائی ہوں، اگر لواحقین تجہیز و تکفین میں شرکت نہیں چاہتے تو میں حاضر ہوں اور اس کے تمام اخراجات اپنی جیب سے ادا کروں گا۔

نماز جنازہ کی معلومات

کامران ٹیسوری نے کہا کہ حمیرا اصغر کی نماز جنازہ گورنر ہاؤس میں ادا کی جائے گی اور اس حوالے سے اپنی ٹیم کو ہدایت کردی ہے۔