حمیرہ اصغر کی اپنی دوست سے آخری گفتگو سامنے آگئی
حمیرا اصغر کی یاد میں
کراچی (ڈیلی پاکستان آن لائن) مرحومہ اداکارہ و ماڈل حمیرا اصغر کی قریبی دوست اور معروف فیشن ڈیزائنر درشہوار نے انکشاف کیا ہے کہ حمیرا ان کے لیے محض ایک دوست نہیں بلکہ خاندان کے فرد جیسی تھیں۔
یہ بھی پڑھیں: مجھے فقیر بنا دیا ہے، میرے پاس کوئی انٹرویو کیلئے نہ آئے،’ اداکار راشد محمود یوٹیوبرزپر برہم
نجی ٹی وی سماء کی رپورٹ
نجی ٹی وی سماء کے مطابق درشہوار نے بتایا کہ حمیرا جب بھی ان کے گھر آتیں تو اکثر وہیں قیام کرتی تھیں۔ ان کے بقول حمیرا سے ان کا آخری رابطہ ستمبر 2024 میں اس وقت ہوا جب وہ بیرون ملک تھیں۔ اپریل 2025 میں وطن واپسی پر انہوں نے دوبارہ رابطہ کرنے کی کوشش کی، مگر کوئی جواب نہ ملا۔
یہ بھی پڑھیں: کسی بھی خبر یا سرکاری اعلان کو جلد از جلد سارے ہندوستان میں پھیلانے کا سب سے آسان اور پر اثر ذریعہ ریلوے کے پلیٹ فارم ہی ہوتے تھے۔
حمیرا کی صلاحیتیں
درشہوار کا کہنا تھا کہ حمیرا نہ صرف ایک باصلاحیت اداکارہ تھیں بلکہ ایک عمدہ مصورہ بھی تھیں۔
یہ بھی پڑھیں: اوورسیز پاکستانی ملک کی ریڑھ کی ہڈی ہیں، مسائل ترجیحی بنیادوں پر حل کیے جائیں گے: بیرسٹر امجد ملک
آڈیو گفتگو
سماء ٹی وی نے ستمبر 2024 کی ایک آڈیو گفتگو بھی جاری کی ہے جس میں حمیرا، مکہ مکرمہ میں موجود درشہوار سے کہہ رہی ہیں "میں بہت خوش ہوں کہ تم مکہ میں ہو، میرے لیے دعا کرنا۔"
حمیرا کا انتقال
واضح رہے کہ حمیرا اصغر کی لاش 8 جولائی 2025 کو کراچی کے ڈیفنس فیز 6 میں واقع ان کے کرائے کے فلیٹ سے ملی تھی۔
