سرپلس ایل این جی کھپانے کے لیے گھریلو گیس کنکشن پر پابندی اٹھانے پر غور شروع

پیٹرولیم وزارت کا گیسی کنکشنز پر پابندی ہٹانے پر غور

لاہور (ڈیلی پاکستان آن لائن) وزارت پیٹرولیم نے سرپلس ایل این جی کھپانے کے لیے گھریلو گیس کنکشن پر پابندی اٹھانے کی امکانات پر غور شروع کردیا ہے۔

یہ بھی پڑھیں: فلم شوٹنگ سے قبل جنات نے دھکا دے کر زخمی کردیا تھا : ثمینہ پیرزادہ

ایم ایل این جی درآمد معاہدے کی صورتحال

نجی ٹی وی سماء نیوز نے وزارت پیٹرولیم کے ذرائع کے حوالے سے بتایا ہے کہ پابندی ہٹانے کے حوالے سے گیس پریشر اور درآمدی لاگت پر ایک اسٹڈی شروع کی گئی ہے۔ قطر کے ساتھ ایل این جی درآمد کا معاہدہ 2030 میں ختم ہورہا ہے۔ معاہدہ ختم ہونے کے بعد سالانہ 4 ارب ڈالر کی ایل این جی منگوانا پڑے گی۔

یہ بھی پڑھیں: افسوس ہوتا ہے کہ ہم سرکار کا پیسہ بے دردی سے خرچتے ہیں اور اس سے بھی زیادہ بے دردی سے ضائع کرتے ہیں، بھائی یہاں کون کسی کو پوچھتا ہے؟

گھریلو صارفین کے ٹیرف کا موازنہ

ذرائع کے مطابق گھریلو صارفین کا ٹیرف 1800 جبکہ درآمدی ایل این جی کا 3500 ایم ایم سی ایف ڈی ہے۔ سردیوں میں درآمدی ایل این جی گھریلو صارفین کو دینے سے 250 ارب روپے کا نقصان ہوتا ہے۔

یہ بھی پڑھیں: سپریم کورٹ نے موسم گرما کی تعطیلات کا نوٹیفکیشن جاری کردیا

سرپلس ایل این جی کا اثر

پاور سیکٹر کی طلب کم ہونے کی وجہ سے درآمدی ایل این جی سرپلس ہوگئی ہے، جس کی وجہ سے مقامی گیس کی پیداوار روکنی پڑ رہی ہے۔ گیس پائپ لائنز پھٹنے سے بچانے کے لیے مقامی پیداوار روکنا ضروری ہے۔ ایل این جی کے سرپلس ہونے کی وجہ سے حکومت 5 کارگوز مؤخر بھی کرچکی ہے۔

یہ بھی پڑھیں: یوٹیلیٹی اسٹور رائٹ سائزنگ، 2800 کنٹریکٹ ملازمین فارغ

نئے گھریلو کنکشنز کی درخواستوں کی صورتحال

واضح رہے کہ کم ریکوری اور گیس کی قلت کی وجہ سے گھریلو کنکشنز پر 2019 میں پابندی لگا دی گئی تھی۔ 300 ایم ایم سی ایف ڈی سے 40 لاکھ صارفین کو نئے کنکشنز مل سکتے ہیں۔ اس وقت نئے گھریلو گیس کنکشنز کی 35 لاکھ سے زائد درخواستیں زیر التوا ہیں۔

پابندی ہٹانے کا فیصلہ

ذرائع وزارت پیٹرولیم کے مطابق اگر پابندی ہٹائی گئی تو سیکیورٹی جمع کرانے والے 3 لاکھ صارفین کو ترجیح دی جائے گی۔ اسٹڈی مکمل ہونے کے بعد وفاقی کابینہ کو سمری بھیجی جائے گی، جو گھریلو گیس کنکشنز پر پابندی ہٹانے کا فیصلہ کرے گی۔