سرپلس ایل این جی کھپانے کے لیے گھریلو گیس کنکشن پر پابندی اٹھانے پر غور شروع
پیٹرولیم وزارت کا گیسی کنکشنز پر پابندی ہٹانے پر غور
لاہور (ڈیلی پاکستان آن لائن) وزارت پیٹرولیم نے سرپلس ایل این جی کھپانے کے لیے گھریلو گیس کنکشن پر پابندی اٹھانے کی امکانات پر غور شروع کردیا ہے۔
یہ بھی پڑھیں: پنجاب حکومت کی جانب سے بغیرراشن کارڈ 10ہزار حاصل کرنے کا آسان طریقہ جانیے
ایم ایل این جی درآمد معاہدے کی صورتحال
نجی ٹی وی سماء نیوز نے وزارت پیٹرولیم کے ذرائع کے حوالے سے بتایا ہے کہ پابندی ہٹانے کے حوالے سے گیس پریشر اور درآمدی لاگت پر ایک اسٹڈی شروع کی گئی ہے۔ قطر کے ساتھ ایل این جی درآمد کا معاہدہ 2030 میں ختم ہورہا ہے۔ معاہدہ ختم ہونے کے بعد سالانہ 4 ارب ڈالر کی ایل این جی منگوانا پڑے گی۔
یہ بھی پڑھیں: عمران خان کے بیٹے سیاست اور ان حالات میں تحریک کی سربراہی کرنا چاہتے ہیں تو یہ آسان کام نہیں: رانا ثناء اللہ
گھریلو صارفین کے ٹیرف کا موازنہ
ذرائع کے مطابق گھریلو صارفین کا ٹیرف 1800 جبکہ درآمدی ایل این جی کا 3500 ایم ایم سی ایف ڈی ہے۔ سردیوں میں درآمدی ایل این جی گھریلو صارفین کو دینے سے 250 ارب روپے کا نقصان ہوتا ہے۔
یہ بھی پڑھیں: ایلون مسک نے نئی سیاسی جماعت ’امریکا پارٹی‘ بنانے کا اعلان کر دیا۔
سرپلس ایل این جی کا اثر
پاور سیکٹر کی طلب کم ہونے کی وجہ سے درآمدی ایل این جی سرپلس ہوگئی ہے، جس کی وجہ سے مقامی گیس کی پیداوار روکنی پڑ رہی ہے۔ گیس پائپ لائنز پھٹنے سے بچانے کے لیے مقامی پیداوار روکنا ضروری ہے۔ ایل این جی کے سرپلس ہونے کی وجہ سے حکومت 5 کارگوز مؤخر بھی کرچکی ہے۔
یہ بھی پڑھیں: متحدہ عرب امارات میں عیدالفطر کی کب سے اور کتنی چھٹیاں ہونگی؟
نئے گھریلو کنکشنز کی درخواستوں کی صورتحال
واضح رہے کہ کم ریکوری اور گیس کی قلت کی وجہ سے گھریلو کنکشنز پر 2019 میں پابندی لگا دی گئی تھی۔ 300 ایم ایم سی ایف ڈی سے 40 لاکھ صارفین کو نئے کنکشنز مل سکتے ہیں۔ اس وقت نئے گھریلو گیس کنکشنز کی 35 لاکھ سے زائد درخواستیں زیر التوا ہیں۔
پابندی ہٹانے کا فیصلہ
ذرائع وزارت پیٹرولیم کے مطابق اگر پابندی ہٹائی گئی تو سیکیورٹی جمع کرانے والے 3 لاکھ صارفین کو ترجیح دی جائے گی۔ اسٹڈی مکمل ہونے کے بعد وفاقی کابینہ کو سمری بھیجی جائے گی، جو گھریلو گیس کنکشنز پر پابندی ہٹانے کا فیصلہ کرے گی۔
