محسن نقوی کی یو اے ای کے نائب وزیراعظم سے ملاقات، ویزا کے مسائل حل کرنے پر اتفاق

ابوظہبی میں ملاقات

ابوظہبی(ڈیلی پاکستان آن لائن) وفاقی وزیر داخلہ محسن نقوی نے ابوظہبی میں یو اے ای کے نائب وزیراعظم اور وزیر داخلہ لیفٹیننٹ جنرل شیخ سیف بن زید النہیان سے ملاقات کی ہے۔ اس ملاقات میں پاکستانی شہریوں کو درپیش یو اے ای ویزا کے مسائل پر تبادلہ خیال کیا گیا۔

یہ بھی پڑھیں: مصدق ملک کی روس سے سستے خام تیل خریداری معاہدے کی خبروں کی تردید

باہمی تعاون کے امور

سیکیورٹی تعاون، انسداد منشیات و سمگلنگ، غیرقانونی امیگریشن روکنے کے لیے تعاون اور ٹیکنالوجی کے تبادلے پر بھی گفتگو ہوئی۔

یہ بھی پڑھیں: عمران خان کی اہلیہ بشریٰ بی بی نے سیاست میں باضابطہ انٹری دے دی، نجی نیوز چینل کا دعویٰ

ورک ویزا میں آسانیاں

نجی ٹی وی سما نیوز کے مطابق وزیرداخلہ محسن نقوی اور یو اے ای کے نائب وزیراعظم اور وزیر داخلہ کی ملاقات میں پاکستانی شہریوں کے لیے ورک ویزا میں آسانیاں پیدا کرنے سے متعلق ضروری اقدامات پر اتفاق کیا گیا۔

یہ بھی پڑھیں: دوست کی لاش دفن کرکے پلستر میں چھپانے والے قاتل کا راز کیسے بے نقاب ہوا؟

یو اے ای کی حمایت

لیفٹیننٹ جنرل شیخ سیف بن زید النہیان نے ویزا مسائل کے حل کے لیے ہر ممکن تعاون کی یقین دہانی کروائی۔ محسن نقوی نے کہا کہ یو اے ای کے ساتھ برادرانہ تعلقات ہر پاکستانی کے لیے اثاثہ ہیں۔ سیکیورٹی سمیت دوطرفہ تعاون کے ہر شعبے میں تعاون کو مزید وسعت دینا چاہتے ہیں۔ پاکستانیوں کی بڑی تعداد یو اے ای کی معیشت کی مضبوطی میں کردار ادا کر رہی ہے۔

آنے کا خیرمقدم

قبل ازیں یو اے ای وزارت داخلہ آمد پر محسن نقوی کا پرتپاک استقبال کیا گیا اور گارڈ آف آنر پیش کیا گیا۔ انہوں نے ابوظہبی پولیسنگ کے جدید نظام اور آپریشن روم کا دورہ بھی کیا۔