حکومت مضبوط بے شک نہ ہو لیکن مضبوط ہاتھوں میں ہے، ڈاکٹر رسول بخش رئیس

سیاسی تجزیہ کار کی رائے

لاہور (ڈیلی پاکستان آن لائن) سیاسی تجزیہ کار ڈاکٹر رسول بخش رئیس کہتے ہیں کہ سڑکوں پر لوگ نکلیں تو اسے تحریک نہیں، بلکہ احتجاج کہا جاتا ہے۔

یہ بھی پڑھیں: 27 سال تک چھٹی کئے بغیر کلینر کا کام کرکے بچوں کو کامیاب بنانے والا شخص

تحریک انصاف کی تحریک کے مقاصد

5 اگست کو تحریک انصاف کی تحریک کے مقاصد کیا ہیں یہ تو ابھی چھوڑ دیں، لیکن ایک مقصد تو ان کو حاصل ہو رہا ہے کہ تحریک انصاف کسی نہ کسی لحاظ سے زندہ ہے۔ یہ نہیں کہا جا سکتا کہ تحریک انصاف، ان کا منشور یا ان کی سیاست کو ختم کر دیا گیا ہے۔

یہ بھی پڑھیں: اسلام آباد میں ژالہ باری کے بعد گاڑیوں کی ونڈ اسکرین اور شیشوں کی قیمتوں میں اضافہ، شہری نئی پریشانی میں مبتلا

سیاسی تنازع کی حقیقت

ڈاکٹر رسول بخش رئیس نے مزید کہا کہ حکومت خود کو منتخب کہتی ہے جبکہ تحریک انصاف والے کہتے ہیں کہ یہ حکومت منتخب نہیں ہے، جس کی وجہ سے ملک میں ایک سیاسی تنازع موجود ہے۔ جب تک سیاسی تنازع حل نہیں ہوتا تحریک چلتی رہے گی۔ سیاسی تنازعات کو حل کرنے سے ہی حکومت مضبوط ہوتی ہے۔

حکومت کی حالت

دنیا نیوز کے پروگرام تھنک ٹینک میں گفتگو کرتے ہوئے ڈاکٹر رسول بخش رئیس نے مزید کہا کہ حکومت مضبوط بے شک نہ ہو، لیکن حکومت مضبوط ہاتھوں میں ہے اور وہ ہاتھ بہت مضبوط ہیں۔