سینیٹ الیکشن، پیپلزپارٹی کا وفد مولانا فضل الرحمان سے ملاقات کیلئے پہنچ گیا
سینیٹ انتخابات اور مولانا فضل الرحمان کی اہمیت
اسلام آباد (ڈیلی پاکستان آن لائن) خیبرپختونخوا میں سینیٹ انتخابات کے تناظر میں جمعیت علمائے اسلام کے سربراہ مولانا فضل الرحمان ایک بار پھر سیاسی مرکزِ نگاہ بن گئے ہیں۔
یہ بھی پڑھیں: ملکی تاریخ میں پہلی بار مسافر طیارے کی بذریعہ سڑک کراچی سے حیدرآباد منتقلی
پیپلزپارٹی کے وفد کی ملاقات
اس موقع پر پیپلزپارٹی کا وفد خورشید شاہ کی قیادت میں ان سے ملاقات کیلئے پہنچا۔ وفد میں گورنر خیبرپختونخوا فیصل کریم کنڈی اور ظاہر شاہ شامل تھے، جبکہ جے یو آئی کی جانب سے اکرم خان درانی، مولانا لطف الرحمان، اسعد محمود اور اسجد محمود شریک ہوئے۔
یہ بھی پڑھیں: پنجاب: ڈرینز میں زہریلے پانی اور کیمیکل کے اخراج کی روک تھام کیلئے آپریشن کی منظوری
انتخابی حکمت عملی پر مشاورت
ملاقات میں خیبرپختونخوا میں سینیٹ انتخابات سے متعلق تفصیلی مشاورت ہوئی، اور باہمی تعاون سے انتخابی حکمت عملی اختیار کرنے پر غور کیا گیا۔
یہ بھی پڑھیں: کن ممالک میں امریکی اڈوں کو نشانہ بنایا گیا ؟ ایرانی حکام کا بیان آ گیا
حکمت عملی میں ممکنہ اتحاد
نجی ٹی وی جیو نیوز نے ذرائع کے حوالے سے دعویٰ کیا ہے کہ ن لیگ، پیپلزپارٹی اور جے یو آئی کے درمیان خیبرپختونخوا میں مشترکہ انتخابی حکمت عملی طے پانے کا امکان ہے، جبکہ اے این پی کو بھی ساتھ ملانے کی کوششیں کی جا رہی ہیں۔
یہ بھی پڑھیں: سپیکر برہم ، اپوزیشن کے رویئے کو “غیر سنجیدہ” قرار دیدیا ، قومی اجلاس کا اجلاس ملتوی
آزاد ارکان کے ساتھ رابطے
یہ بھی بتایا گیا ہے کہ صوبائی اسمبلی کے آزاد ارکان سے بھی رابطے کیے جائیں گے تاکہ سینیٹ انتخابات میں زیادہ مؤثر اتحاد قائم ہو۔
یہ بھی پڑھیں: آئندہ برس سونے کی قیمت کہاں پہنچے گی؟ امارات کے ماہرین کی بڑی پیشگوئی
ماضی کی ملاقاتیں
یاد رہے کہ چند روز قبل مسلم لیگ (ن) کا وفد بھی مولانا فضل الرحمان سے ملاقات کرچکا ہے۔
پولنگ کی تاریخ
واضح رہے کہ خیبرپختونخوا اسمبلی میں سینیٹ انتخابات کیلئے پولنگ 21 جولائی کو ہوگی۔
