رابعہ بٹ بھی سوشل میڈیا پر غیرفعال، سوشل میڈیا پر آوازیں اٹھنے کے بعد اداکارہ کا سوشل میڈیا پر پیغام آگیا۔

اداکارہ رابعہ بٹ کی غیر موجودگی

لاہور (ویب ڈیسک) اداکارہ حمیرا اصغر کی موت کے بعد مقبول ماڈل و اداکارہ رابعہ بٹ کی طویل غیر موجودگی نے ان کے مداحوں کو پریشانی میں مبتلا کردیا ہے تاہم سوشل میڈیا پر آوازیں اٹھنے کے بعد اداکارہ بٹ نے بھی پیغام جاری کردیا۔

یہ بھی پڑھیں: اپنی چھت، اپنا گھر پروگرام نے نئے ریکارڈ بنا دئیے، وزیراعلیٰ نے گھروں کی تعمیر کا ٹارگٹ ہر صورت پورا کرنے کا حکم دیدیا

مداحوں کی تشویش کا اظہار

تفصیل کے مطابق سوشل میڈیا پلیٹ فارم انسٹا گرام پر ان کے مداحوں کی جانب سے تشویش کا اظہار کیا جا رہا تھا کہ اداکارہ کافی عرصے سے کوئی پوسٹ نہیں کی۔ ان کی پوسٹ کے نیچے کامنٹس میں مداحوں نے انہیں ٹیگ کرکے سوال کیا کہ کیا آپ ٹھیک ہیں۔ مداحوں کی جانب سے گزارش کی جارہی ہے کہ لائیو آکر مداحوں کو اپنے ہونے کا یقین دلائیں۔ خیال رہے کہ اداکارہ کی جانب سے دسمبر 2024 کے بعد کوئی پوسٹ نہیں کی گئی، جس کی وجہ سے مداحوں میں تشویش کی لہر دوڑ گئی۔

یہ بھی پڑھیں: سندھ حکومت کی موثر پالیسی کے باعث دہشتگردی کو کنٹرول کیا گیا: مراد علی شاہ

رابعہ بٹ کا پیغام

مداحوں کی جانب سے بے شمار کامنٹس کے بعد اداکارہ نے اپنے آفیشل اکاونٹ سے سٹوری شیئر کی جس میں مداحوں کو مخاطب کرتے ہوئے کہا کہ جن سب کو میری فکر ہے، یہ پیغام اُن کے لیے ہے۔ انہوں نے شکریہ ادا کیا اور بتایا کہ وہ زندگی کے ایک سفر پر ہیں اور اس وقت اس بارے میں بات نہیں کر سکتیں۔ اگر وہ چیز انہیں مل گئی جس کی وہ تلاش میں ہیں تو آگاہ کریں گی، اگر نہ ملی تو بھی معلوم ہوجائے گا لیکن دونوں صورتوں میں چیزیں کبھی ایک جیسی نہیں ہوں گی۔ رابعہ بٹ نے مداحوں سے دعاؤں کی بھی درخواست کی۔

مداحوں کی آراء

یاد رہے کہ گزشتہ دنوں اداکارہ و ماڈل حمیرا اصغر کی موت کے بعد مداحوں کو احساس ہوا کہ اداکارہ رابعہ بٹ بھی کافی عرصے سے سوشل میڈیا پر غیر فعال ہیں، رابعہ بٹ پاکستان کی باصلاحیت سپر ماڈل اور اداکارہ ہیں۔