زندگی جیسے رک گئی تھی، نوشین شاہ کس بیماری کا شکار رہیں؟

نوشین شاہ کی شوبز میں واپسی

کراچی (ڈیلی پاکستان آن لائن) پاکستانی ڈرامہ انڈسٹری کی باصلاحیت اداکارہ نوشین شاہ اپنی بے مثال اداکاری، منفرد فیشن سٹائل اور سکرین پر دل موہ لینے والی موجودگی کے لیے جانی جاتی ہیں۔ تاہم، گزشتہ ایک سال سے وہ شوبز سے غائب تھیں جس پر مداحوں نے کئی سوالات اٹھائے۔

یہ بھی پڑھیں: بھارتی جارحیت کے خلاف پوری قوم متحد اور پاک فوج کے شانہ بشانہ ہے، مولانا فضل الرحمان

معروف اداکارہ کا مشکل وقت

نجی ٹی وی آج نیوز کے مطابق اب نوشین نہ صرف دوبارہ منظرعام پر آئی ہیں بلکہ انہوں نے جرات مندی سے اپنی غیر موجودگی کی اصل وجہ بھی سب کے ساتھ شیئر کی ہے۔

نوشین شاہ حال ہی میں ایک شومیں بطور مہمان شریک ہوئیں، جہاں انہوں نے اپنی زندگی کے ایک مشکل اور حساس پہلو پر روشنی ڈالی۔ انہوں نے بتایا کہ وہ شدید ڈپریشن سے گزررہی تھیں، جس کی وجہ سے انہوں نے کام سے مکمل وقفہ لیا۔

یہ بھی پڑھیں: کشمیریوں اور فلسطینیوں کے حالات بہت کچھ کرنے کی طرف توجہ دلاتے ہیں، آرمی چیف جنرل عاصم منیر

ذہنی صحت کے مسائل

اداکارہ نے اعتراف کیا کہ اس ذہنی کیفیت نے ان کی روزمرہ زندگی کو بری طرح متاثر کیا۔ ”میں ہر قسم کے جذبات سے عاری ہوچکی تھی۔ کسی دوسرے کی خوشی محسوس نہیں کر پا رہی تھی اور خود بھی اندر سے خالی خالی محسوس کر رہی تھی،“ نوشین نے دل کی بات کرتے ہوئے کہا۔

انہوں نے اپنی کیفیت پر مزید بات کرتے ہوئے کہا کہ مجھے ہر چیز سے خوف محسوس ہوتا تھا حتی کہ کوئی پاس سے بھی گذرتا تو میں ڈر جاتی تھی۔

یہ بھی پڑھیں: مولانا فضل الرحمان کے چھوٹے بیٹے اسجد محمود پر حملے کا انکشاف

پیشہ ورانہ مدد کا فیصلہ

انہوں نے انکشاف کیا کہ وہ کئی مہینوں تک اپنے کمرے میں بند رہیں اور باہر کی دنیا سے بالکل دور رہیں۔ نوشین نے بتایا کہ جیسے جیسے حالات بگڑتے گئے، انہوں نے وقت پر پیشہ ورانہ مدد لینے کا فیصلہ کیا۔ انہوں نے مکمل علاج کروایا اور آج وہ بہتر محسوس کر رہی ہیں اور ایک بار پھر کام پر واپس آ رہی ہیں۔

یہ بھی پڑھیں: سیاسی لیڈر یا جماعت پاکستان سے بڑی نہیں، سب کیساتھ فراخ دلی کا مظاہرہ کیا: عطا تارڑ

ڈپریشن کا سچ

ان کا کہنا تھا کہ ”ڈپریشن صرف اداسی کا نام نہیں، یہ ایک خاموش بیماری ہے جو انسان کی روح کو تھکا دیتی ہے۔“ اداکارہ نے دیگر لوگوں کو بھی مشورہ دیا کہ اگر وہ ایسی ہی کسی کیفیت سے گزر رہے ہیں تو فوراً ڈاکٹر کی مدد لیں، کیونکہ صحت اولین ترجیح ہونی چاہیے۔

حوصلہ افزائی کی مثال

نوشین شاہ کی یہ جرات مندانہ گفتگو سوشل میڈیا پر وائرل ہو چکی ہے۔ ان کے مداح اور ساتھی فنکار ان کی ایمانداری اور حوصلے کو سراہ رہے ہیں۔ شوبز انڈسٹری میں جہاں چمک دمک کے پیچھے کئی بار درد چھپ جاتا ہے، نوشین کا یہ قدم ایک مثبت مثال کے طور پر سامنے آیا ہے۔