وزیر مملکت حذیفہ رحمان نے بیجنگ میں منعقدہ عالمی کانفرنس میں ”پاک چین ثقافتی کوریڈور“ کی تجویز دے دی

ثقافتی کوریڈور کی تجویز

اسلام آباد (ڈیلی پاکستان آن لائن) وزیر مملکت برائے ثقافت حذیفہ رحمان نے کہا ہے کہ انہوں نے بیجنگ میں منعقدہ عالمی سیولائزیشن کانفرنس 2025 میں پاک چین اقتصادی راہداری کے تسلسل میں "پاک چین ثقافتی کوریڈور" کی تجویز دی ہے۔

یہ بھی پڑھیں: کندھ کوٹ: انڈس ہائی وے کے قریب گولہ پھٹنے سے 4 بچے جاں بحق

عالمی فورم میں شرکت

ڈیلی پاکستان سے خصوصی گفتگو کرتے ہوئے وزیر مملکت برائے ثقافت حذیفہ رحمان نے کہا کہ بیجنگ میں منعقدہ عالمی سیولائزیشن کانفرنس 2025 میں پاکستان کی نمائندگی اور خطاب کا موقع ملا۔ یہ پہلا عالمی فورم تھا جہاں دنیا بھر کے وزرائے ثقافت، سابق صدور، وزرائے اعظم اور 140 ممالک کے مندوبین شریک ہوئے۔ کانفرنس کا مقصد عالمی تہذیبوں، ثقافتوں اور قومی ورثے کے باہمی احترام کو فروغ دینا تھا۔

یہ بھی پڑھیں: پنجاب حکومت نے مصدقہ معلومات کیلئے ڈی جی پی آر آفس میں کنٹرول روم قائم کر دیا

پاکستان کا تہذیبی مقدمہ

وزیر مملکت برائے ثقافت حذیفہ رحمان نے کہا کہ عالمی رہنماؤں کی موجودگی میں پاکستان کا تہذیبی و ثقافتی مقدمہ پیش کیا۔ انہوں نے وادی سندھ، گندھارا، صوفی روایت اور سیاحتی امکانات پر گفتگو کی جبکہ پاک چین اقتصادی راہداری کے تسلسل میں "پاک چین ثقافتی کوریڈور" کی تجویز دی، جسے چینی قیادت نے مثبت اور باعمل دلچسپی کے ساتھ سراہا۔

وزیراعظم کی وژنری قیادت

انہوں نے کہا کہ یہ کامیابی وزیراعظم پاکستان کی وژنری قیادت اور بین الاقوامی سطح پر پاکستان کے مثبت تشخص کو اجاگر کرنے کی مستقل پالیسی کا نتیجہ ہے۔ پاکستان کی نرم سفارت کاری اور ثقافتی اثر پذیری کے لیے یہ ایک اہم سنگِ میل ہے۔