کسی کی بھی موت تنہائی، خالی کمرے اور خاموشی میں نہ ہو، در فشاں سلیم کی دعا

اداکارہ در فشاں سلیم کا جذباتی پیغام

لاہور(ڈیلی پاکستان آن لائن) اداکارہ در فشاں سلیم نے زندگی اور موت سے جڑے گہرے جذبات کا اظہار کرتے ہوئے سب کے لیے دُعا کی کہ کسی کی بھی موت تنہائی، خالی کمرے اور خاموشی میں نہ آئے۔

یہ بھی پڑھیں: والدہ کے انتقال کے بعد خودکشی کرنے کی کوشش کی: شاہد حمید

زندگی کی اصل خوبصورتی

ڈان نیوز کے مطابق اداکارہ نے انسٹاگرام پر لمبی پوسٹ میں لکھا کہ زندگی کی اصل خوبصورتی بڑے خوابوں یا شاندار کامیابیوں میں نہیں بلکہ اُن چھوٹے، سادہ لمحات میں چھپی ہوتی ہے جنہیں ہم اکثر نظر انداز کر دیتے ہیں۔

یہ بھی پڑھیں: ایران حملے میں پہل کرنا چاہ رہا تھا، صدر کے پاس حملے کے سوا کوئی چارہ نہیں تھا‘ ٹرمپ انتظامیہ

خوشی اور محبت کے لمحات

اداکارہ نے خوشی کے درمیان آنے والے آنسوں، خاموشی میں چھپی محبت، یا کسی اپنے قریبی شخص کے ساتھ گزارے گئے لمحوں کو زندگی کی اصل خوبصورتی اور خوشیاں قرار دیا۔

یہ بھی پڑھیں: پی ٹی آئی اور جے یو آئی کے درمیان آج پھر مذاکرات ہوں گے

زندگی کا لمحہ

اداکارہ نے لکھا کہ اکثر لوگ تنہائی میں صحیح وقت یا کسی بڑی کامیابی کے انتظار میں تنہا سانس لے کر زندگی گزار دیتے ہیں مگر زندگی کسی وقت کی پابند ہے، نہ کسی بڑے موقع کی۔ وہ لمحہ جو ابھی ہے، وہی زندگی ہے۔

یہ بھی پڑھیں: لاہور میں 16 سالہ نوجوان سے بدفعلی کرنے والے 2 ملزمان گرفتار

موت اور دعائیں

درفشاں سلیم نے لکھا کہ موت جو شاید زندگی کا سب سے خاموش اور ناگہانی پہلو ہے، کسی اعلان کے بغیر آتی ہے۔ چاہے انسان نیند میں ہو، کھانے کی میز پر، کسی اپنے کو گلے لگاتے ہوئے، یا ایک عام دن میں جب آپ کوئی کھیل کھیل رہے ہوں، موت کسی وقت بھی آ سکتی ہے.

یہ بھی پڑھیں: آسٹریلیا میں شدید طوفان، چند ہی منٹوں میں دن کی روشنی ختم، آسمان خون کی طرح سرخ ہو گیا، سوشل میڈیا پر ویڈیو وائرل

محبت کی فضا

اداکارہ نے یہ دعا کی کہ جب موت کا لمحہ آئے، تب جانے والا شخص تنہائی میں نہ ہو۔ اس کے گرد محبت کی فضا ہو، جانے پہچانے چہرے ہوں، اور وہ رشتے جو زندگی کو گھر بناتے ہیں۔

یہ بھی پڑھیں: دانش تیمور کی 4 شادیوں سے متعلق بیان پر شرمیلا فاروقی غصہ میں آ گئیں، شدید تنقید کا نشانہ بنا دیا

ذہنی سکون کی اہمیت

اداکارہ نے مزید لکھا کہ زندگی اور موت کے درمیان، ایک اور اہم پہلو ذہنی سکون اور احساس کی نشاندہی کی گئی ہے۔ آج کے تیز رفتار، شور و غل سے بھرپور دور میں، یہ ضروری ہے کہ انسان خود کو تھوڑا تھامے، دوسروں کے درد کو محسوس کرے، اور نرمی کو اپنائے.

مداحوں کا مثبت ردعمل

اداکارہ نے اپنی پوسٹ میں حال ہی میں مردہ حالت میں پائی گئی حمیرا اصغر یا عائشہ خان کا ذکر نہیں کیا، تاہم انہوں نے سب کے لیے دعا کی کہ کسی کی بھی موت تنہائی، خالی کمرے یا خاموشی میں نہ آئے۔ مداحوں کی بڑی تعداد نے سوشل میڈیا پر در فشاں کے جذباتی بیان کو سراہا اور اسے ایک سچائی پر مبنی اور روح کو چھو لینے والا پیغام قرار دیا۔