سیالکوٹ چیمبر تاریخ میں پہلی بار سڑکوں پر، 19 جولائی کو نو ایکسپورٹ ڈے منانے کا اعلان

سیالکوٹ میں تاجر برادری کا احتجاج

سیالکوٹ (ڈیلی پاکستان آن لائن) وفاقی بجٹ 2025-26 کے خلاف سیالکوٹ کی تاجر برادری سراپا احتجاج بن گئی اور 19 جولائی کو "نو ایکسپورٹ ڈے" منانے کا اعلان کردیا۔

یہ بھی پڑھیں: ہمّر کی الیکٹرک SUV سمیت لاہور آٹو شو میں شامل منفرد ترین گاڑیاں

احتجاج کی تفصیلات

سیالکوٹ کی تاجر برادری نے سیالکوٹ چیمبر آف کامرس کے باہر احتجاج کیا اور مطالبہ کیا کہ ایکسپورٹرز کو عزت دینی ہوگی۔ حکومت نے برآمد کنندگان کے لیے کوئی راستہ نہیں چھوڑا اور وعدے پورے نہیں کیے۔

یہ بھی پڑھیں: 8 پاکستانیوں کا قتل: پاکستان میں ایرانی سفارتخانے کا بیان سامنے آگیا

چیمبر کے صدر کی وضاحت

سیالکوٹ چیمبر کے صدر اکرام الحق نے مطالبہ کیا کہ تاجر برادری کے مسائل حل کرنے کے لیے وزیر خزانہ کو ان کے ساتھ بیٹھنا ہوگا۔ 37 اے اور 37 بی کا کالا قانون واپس لیا جائے۔ انہوں نے واضح کیا کہ ان حالات میں ایکسپورٹ نہیں کرسکتے۔

یہ بھی پڑھیں: عمران خان کو ملنے گئے پی ٹی آئی رہنما اڈیالہ جیل کے باہر سے گرفتار

ہڑتال کا اعلان

سیالکوٹ چیمبر آف کامرس اینڈ انڈسٹری کی جانب سے 19 جولائی کو نو ایکسپورٹ ڈے منانے کا بھی اعلان کیا گیا اور کہا گیا کہ پہلے ایک دن، پھر تین دن اور پھر پورے ہفتے کے لیے ہڑتال کی جائے گی۔