امریکی صدر کی ثالثی کی تجویز نے امن کا دروازہ کھولا، بھارت کا انکار انکی جنگی ذہنیت کا ثبوت ہے: وزیر داخلہ

امن کی کوششیں اور بھارت کا انکار

اسلام آباد(ڈیلی پاکستان آن لائن) وزیر داخلہ محسن نقوی کا کہنا ہے کہ امریکی صدر ڈونلڈ ٹرمپ کی ثالثی کی پیشکش نے امن کا دروازہ کھولا، تاہم بھارت کا انکار اس کی جنگی ذہنیت کا ثبوت ہے۔

یہ بھی پڑھیں: چین کے ساتھ تجارتی جنگ، وہ کسان بھی زد میں آگئے جنہوں نے ٹرمپ کو ووٹ دیا تھا

یوم شہداء کشمیر پر خراج عقیدت

نجی ٹی وی چینل جیو نیوز کے مطابق، وفاقی وزیر داخلہ محسن نقوی نے یوم شہداء کشمیر پر اپنے پیغام میں کہا کہ 13 جولائی 1931 کو اپنے خون کا نذرانہ پیش کرنے والے کشمیریوں کو خراج عقیدت پیش کرتے ہیں۔ اذان کے احترام میں گولیوں کا سامنا کرنے والے 22 کشمیری شہداء کی قربانی کو سلام پیش کرتے ہیں۔

یہ بھی پڑھیں: ٹی 20 میچ؛پاکستان کا زمبابوے کیخلاف ٹاس جیت کر پہلے بیٹنگ کا فیصلہ

تاریخی پس منظر اور حالیہ صورتحال

ان کا کہنا تھا کہ 13 جولائی 1931 مظلوم کی زبان بند کرنے والے نظام کے خلاف حریتِ ضمیر کی پہلی گھنٹی تھی۔ ڈوگرہ راج کی بندوقیں اور بھارت کا تشدد دونوں ایک ہی ظلم کی مختلف شکلیں ہیں۔

یہ بھی پڑھیں: فیصل آباد: نجی سوسائٹی میں مالک مکان کے مبینہ تشدد سے 13سالہ ملازمہ جاں بحق

مقبوضہ کشمیر میں انسانی حقوق کی خلاف ورزیاں

انہوں نے اپنے پیغام میں مزید کہا کہ مقبوضہ کشمیر میں عقائد، شناخت، اور رائے کو ریاستی طاقت کے ذریعے کچلنا انسانی وقار کی تضحیک ہے۔ مودی سرکار بھی ڈوگرہ راج کی طرح کشمیریوں کے خلاف ظالمانہ اقدامات کر رہی ہے۔

یہ بھی پڑھیں: ہم تو بہت پرسکون اور چِل ہیں: عظمیٰ بخاری کا اسلام آباد میں پی ٹی آئی کے احتجاج پر رد عمل، کہیں چار لوگوں کا قافلہ بھی نظر نہیں آیا

پاکستان کا کردار اور کشمیری عوام کی حمایت

محسن نقوی کا کہنا تھا کہ امریکی صدر ٹرمپ کی ثالثی کی تجویز نے امن کا دروازہ کھولا، لیکن بھارت نے اس کا انکار کرکے یہ دروازہ خود بند کیا؛ امن سے انکار بھارت کی جنگی ذہنیت کا ثبوت ہے۔

آزادی کی پکار

وزیر داخلہ کا کہنا تھا کہ شہدا کے لہو سے اٹھنے والی آزادی کی پکار کو دبایا نہیں جا سکتا۔ پاکستان کشمیریوں کے حق آزادی کا محافظ، علمبردار، اور ضامن ہے۔