عالیہ حمزہ نے 90 روز کے الٹی میٹم پر سوالات اٹھا دیے

حکومت کو 90 روز کا الٹی میٹم

اسلام آباد (ڈیلی پاکستان آن لائن) تحریک انصاف کی رہنما عالیہ حمزہ ملک نے حکومت کو 90 روز کا الٹی میٹم دینے پر سوالات اٹھا دیے۔

یہ بھی پڑھیں: اسلام آباد میں سنگین واردات کی صورت میں متعلقہ افسر کے خلاف ایکشن کا اعلان

عالیہ حمزہ کا بیان

ایکس پر جاری اپنے ایک بیان میں عالیہ حمزہ نے کہا کیا کوئی روشنی ڈالے گا کہ وزیراعظم خان کی رہائی کے لیے کس لائحہ عمل کا کل یا آج اعلان ہوا ہے؟ تحریک کہاں سے اور کیسے چلے گی؟ 5 اگست کے مقابلے میں 90 دن کا پلان کہاں سے آیا ہے؟ اگر آپ میں سے کسی کی نظر سے گزرا ہو تو میری بھی رہنمائی کر دیں۔

یہ بھی پڑھیں: تمام سگنلز ڈاؤن: راستہ خالی اور استقبال کے تمام انتظامات مکمل ہیں، اب گاڑی بلا خوف و خطر روانہ ہوسکتی ہے

وزیراعظم خان کی رہائی کا مقصد

انہوں نے کہا کہ فوکس اور نشانہ صرف وزیراعظم خان کی رہائی ہے اور نعرہ صرف ایک ہی ہے، ڈٹ جاؤ یا ہٹ جاؤ۔

اجلاس کی تفصیلات

واضح رہے کہ تحریک انصاف گزشتہ روز قافلے کی شکل میں جاتی امرا تک گئی تھی، جہاں سابق ڈپٹی چیئرمین سینیٹ مرزا آفریدی کے فارم ہاؤس پر اجلاس ہوا جس میں عالیہ حمزہ کو مدعو نہیں کیا گیا۔ اس اجلاس کے موقع پر وزیر اعلیٰ خیبر پختونخوا علی امین گنڈا پور نے حکومت کو 90 روز کا الٹی میٹم دیا تھا۔