لاہور کے مختلف علاقے ’نو برڈ زون‘ قرار، ہوائی اڈوں کے قریب غیر قانونی ذبحہ خانے، بیکریاں اور پولٹری فارمز ختم کرنے کا فیصلہ۔

اہم اقدام برائے طیاروں کی سیفٹی

لاہور (ڈیلی پاکستان آن لائن) وزیر اعلیٰ پنجاب مریم نواز کی ہدایت پر لاہور کی حدود میں طیاروں کی سیفٹی کے لیے اہم اقدام کیا گیا ہے۔ ڈسٹرکٹ ایڈمنسٹریشن، وائلڈ لائف اور انوائر منٹ پروٹیکشن اتھارٹی کو متحرک کر دیا گیا ہے۔

یہ بھی پڑھیں: وفاقی کابینہ نے حج پالیسی 2026 اور پاکستان کا پہلا گرین بلڈنگ کوڈ منظور کر لیا

نو برڈ زون کی تشکیل

لاہور کے مختلف علاقوں کو ’’نو برڈ زون‘‘ بنانے کے لیے ’’رنگ فینسنگ‘‘ (فضائی حفاظتی حصار بنانے) کا فیصلہ کیا گیا ہے۔ وزیراعلیٰ پنجاب مریم نواز نے مسافر جہازوں کی حفاظت کے لیے گرینڈ آپریشن کی ہدایت کی ہے۔

یہ بھی پڑھیں: عمران خان اور بشریٰ بی بی سے وکلاء اور فیملی کی ملاقات سے متعلق فہرست جیل حکام کو بھجوادی گئی

غیر قانونی کاروبار کی روک تھام

وزیر اعلیٰ مریم نواز نے سینئر صوبائی وزیر مریم اورنگزیب کو پنجاب کی پہلی وائلڈ لائف فورس کو متحرک کرنے کی ہدایت کی ہے۔ ہوائی اڈوں کے قریب موجود غیر قانونی ذبحہ خانوں اور پولٹری فارمز ختم کرنے کا فیصلہ کیا گیا ہے۔

یہ بھی پڑھیں: امریکی ریاست مونٹانا ایئر پورٹ پر طیارہ لینڈنگ کے دوران رن وے پر کھڑے دوسرے طیارے سے ٹکرا گیا

ماحولیاتی حفاظتی اقدامات

پنجاب حکومت کے جاری کردہ حکم کے مطابق ہوائی اڈوں کے قریب ایسا کوئی کاروبار کرنے پر پابندی ہوگی جس سے پرندوں کے جمع ہونے کا خطرہ ہو۔ ماحولیاتی حفاظتی انتظامات کے بغیر قائم پولٹری فارمز، بیکریوں اور ذبحہ خانوں پر پابندی لگائی جائے گی۔

یہ بھی پڑھیں: اسلام آباد یونائیٹڈ کو 2 غیرملکی کھلاڑیوں کی صورت میں بڑا دھچکا

کچرے کے خاتمے کی سختی

ہوائی اڈوں کے قریب کوڑا کرکٹ پھینکنے پر مکمل پابندی ہوگی، جبکہ ڈھکن والے کوڑے دانوں کا استعمال لازمی قرار دیا گیا ہے۔ وائلڈلائف رینجرز کو فوری آپریشن شروع کرنے کا حکم دیا گیا ہے۔

یہ بھی پڑھیں: ویرات کوہلی بڑی مصیبت میں پھنس گئے

نو برڈ زونز کی نشاندہی

لاہور مشرقی بائی پاس، مناواں ہسپتال داہوری والا، پی کے ایل آئی، چونگی امر سدھو، اچھرہ، چاہ میراں علاقے ’’نو برڈ زون‘‘ قرار دئیے گئے ہیں۔ ان علاقوں سے آپریشن کا آغاز ہوگا۔

یہ بھی پڑھیں: ساری دنیا نے دیکھا کہ پاکستان ایک مضبوط ملک ابھر کر سامنے آیا، نواز شریف

پرندوں کے جمع ہونے کی روک تھام

پنجاب حکومت کے نوٹیفیکیشن کے مطابق ایسی تمام وجوہات کو ختم کیا جائے گا جن سے پرندوں کے جھنڈ ہوا اڈوں کے قریب جمع ہوتے ہیں۔ وائلڈ لائف رینجرز، ضلعی انتظامیہ اور متعلقہ ادارے خلاف ورزی کی صورت میں کارروائی کریں گے۔

یہ بھی پڑھیں: پاکپتن میں فلڈ ریلیف کیمپ قائم، ٹینٹ سٹی بھی سج گئے، سیلاب متاثرین کا ریڈ کارپٹ پر استقبال

فضائی حفاظتی تدابیر

طیارے کے ٹیک آف، لینڈنگ، اور کم اونچائی پر پرواز کے دوران پرندوں کا طیاروں سے ٹکراؤ حادثات کا سبب بنتے ہیں۔ انٹرنیشنل سول ایوی ایشن آرگنائزیشن (ICAO) اور انٹرنیشنل ایئر ٹرانسپورٹ ایسوسی ایشن (IATA) کے مطابق 90 فیصد سے زائد حادثات 3 ہزار فٹ سے کم بلندی پر ہوتے ہیں۔

سفارشات اور اقدامات

سینئر صوبائی وزیر مریم اورنگزیب نے بیان میں کہا کہ یہ اقدامات فضائی سفر کو محفوظ اور سینکڑوں انسانی زندگیوں کی حفاظت یقینی بنانے کے لیے کیے جا رہے ہیں۔ فضائی حفاظتی حصار (رنگ فینسنگ) کے ذریعے پرندوں کے طیاروں سے ٹکراؤ اور حادثات میں کمی ہو گی۔