بھارتی پراکسیز کا وہی حال ہوگا جو آپریشن سندور کرنےوالے بھارتی جہازوں کا ہوا، وزیرمملکت برائے داخلہ
وزیر مملکت برائے داخلہ کی پریس کانفرنس
اسلام آباد (ڈیلی پاکستان آن لائن) وزیر مملکت برائے داخلہ طلال چوہدری نے کہا ہے کہ دشمن سامنے سے شکست کھا کر اب پیٹھ پیچھے سے وار کر رہا ہے۔ بھارتی پراکسیز کا وہی حال ہوگا جو آپریشن سندور کرنے والے بھارتی جہازوں کا ہوا۔
یہ بھی پڑھیں: چین ایران پر فوجی حملوں کی مخالفت کرتا ہے، چینی وزیر خارجہ نے فون کرکے اسرائیلی ہم منصب پر واضح کر دیا
دشمن کے اقدامات اور پاکستانی عوام
ڈان نیوز کے مطابق فیصل آباد میں پریس کانفرنس سے خطاب کرتے ہوئے وزیر مملکت برائے داخلہ طلال چوہدری نے کہا کہ دشمن پیٹھ پیچھے سے وار کر رہا ہے۔ کچھ عناصر نفرت کی آگ میں انسانیت کا درس بھول چکے ہیں۔
یہ بھی پڑھیں: اتوار کی دوپہر عمران خان کا تفصیلی طبی معائنہ اڈیالہ جیل میں کرایا گیا، ایک ڈوز Eylea انجیکشن دی جا چکی ہے اور دوسری ڈوز 25 فروری کو دی جائے گی،طارق فضل چودھری
ژوب میں دہشت گردی کا واقعہ
انہوں نے کہا کہ ژوب میں شہید ہونے والے صرف پنجابی نہیں بلکہ سب پاکستانی تھے۔ رنگ، نسل اور مذہب کے نام پر دہشت گردی پھیلانے والوں کو منہ کی کھانی پڑے گی۔ پاکستان کی سیکیورٹی فورسز اور عوام ایسے فتنوں سے نمٹنا جانتے ہیں۔
یہ بھی پڑھیں: ایران میں مظاہروں کے دوران جھڑپوں میں 35 افراد ہلاک ہو گئے
دشمن کی سازشیں
طلال چوہدری نے مزید کہا کہ دشمن چاہتا ہے کہ پنجابی اور بلوچی آپس میں لڑیں، جبکہ دہشت گردوں کا کوئی مذہب اور قوم نہیں ہوتی۔ بلوچستان میں پنجاب کے 9 افراد کو شہید کیا گیا۔ بھارتی سپانسرڈ پراکسیز پنجابیوں کے خلاف بیانیہ بناتی ہیں، پنجاب کی ہر گلی میں بلوچ اور پختون رہتے ہیں۔
یہ بھی پڑھیں: اگلے سال کے آغاز میں چین کا دورہ کروں گا، ڈونلڈ ٹرمپ
تازہ ترین رپورٹ
خیال رہے کہ ڈان اخبار میں شائع رپورٹ کے مطابق جمعرات کی رات بلوچستان ضلع کے ژوب اور لورالائی کی سرحد پر واقع سورڈکئی کے علاقے میں دہشت گردوں نے کوئٹہ سے لاہور جانے والی 2 کوچز میں سوار کم از کم 9 مسافروں کو اغوا کرنے کے بعد شہید کر دیا تھا۔
یہ بھی پڑھیں: پارلیمانی اراکین کو تھریٹ الرٹ جاری کرکے بلوچستان حکومت نے امن وامان کے قیام میں ناکامی کا اعتراف کیا ہے،جےیوآئی
ایشیائی تباہی کی گواہی
ژوب کے اسسٹنٹ کمشنر نوید عالم نے بتایا تھا کہ دونوں کوچز سے اغوا کیے گئے 9 افراد کو شہید کر دیا گیا ہے اور ان کی لاشیں برآمد ہو چکی ہیں۔ ان کا مزید کہنا تھا کہ لاشوں کو راخنی منتقل کیا جا رہا ہے تاکہ انہیں پنجاب میں ان کے آبائی علاقوں کو بھجوایا جا سکے۔
حکومتی ترجمان کا بیان
ترجمان بلوچستان حکومت شاہد رند نے بتایا کہ فتنہ الہندوستان کے دہشت گردوں نے 9 مسافروں کو شناخت کے بعد بسوں سے اتار کر شہید کیا۔ بے گناہ شہریوں کو بہیمانہ طریقے سے شہید کرنا فتنہ الہندوستان کی کھلی درندگی ہے۔
