اسحٰق ڈار وزرائے خارجہ کونسل اجلاس میں شرکت کیلئے چین روانہ ہوں گے
وزیر خارجہ اسحٰق ڈار کی چین روانگی
اسلام آباد (ڈیلی پاکستان آن لائن) وزیرخارجہ اسحٰق ڈار شنگھائی تعاون تنظیم (ایس سی او) کے وزرائے خارجہ کونسل اجلاس میں شرکت کے لیے چین روانہ ہوں گے۔
اجلاس کی تفصیلات
ڈان نیوز نے ترجمان دفتر خارجہ کے حوالے سے بتایا کہ وزیرخارجہ اسحٰق ڈار شنگھائی تعاون تنظیم (ایس سی او) کے چین میں ہونے والے وزرائے خارجہ کونسل اجلاس میں شرکت کریں گے۔
دعوت کی منظوری
ترجمان دفتر خارجہ کے مطابق وزیرخارجہ اسحٰق ڈار کو چینی ہم منصب نے ایس سی او اجلاس میں شرکت کی دعوت دی ہے۔
اجلاس کی تاریخ اور رکن ممالک
دفتر خارجہ کے مطابق ایس سی او وزرائے خارجہ کونسل اجلاس 14 تا 16 جولائی چین میں ہوگا، جس میں پاکستان، چین، بھارت، ایران، روس سمیت تمام رکن ممالک شرکت کریں گے۔
نیا رکن بیلاروس
ترجمان دفتر خارجہ کے مطابق بیلاروس تنظیم کے رکن کے طور پر پہلی بار وزرائے خارجہ کونسل اجلاس میں شرکت کرے گا۔
اجلاس کے ایجنڈے
دفتر خارجہ کے مطابق اجلاس میں عالمی مسائل، شنگھائی تعاون تنظیم کی خارجہ اور سیکیورٹی پالیسیز پر بات ہوگی۔
