پختونخوا میں ایمرجنسی کا نفاذ، اگر پی ٹی آئی نہ سمجھی!
پشاور میں پی ٹی آئی کی احتجاجی ریلیوں پر مسلم لیگ ن کا مؤقف
پشاور (ڈیلی پاکستان آن لائن) مسلم لیگ ن کے سینئر رہنما و ترجمان اختیار ولی خان نے بانی پی ٹی آئی عمران خان کی رہائی کے لیے تحریک انصاف کی جانب سے کیے جانے والے احتجاج کے بارے میں کہا ہے کہ پی ٹی آئی ریلیوں اور جلسوں سے قیدی کو نہیں چھڑا سکتی۔
یہ بھی پڑھیں: آصف زرداری قتل سازش کیس، عدالت نے شیخ رشید کیخلاف مقدمے کا محفوظ فیصلہ سنا دیا
علی امین کا کردار
اپنے ایک بیان میں انہوں نے کہا کہ علی امین کا کردار ایک وزیراعلیٰ سے منشی میں تبدیل ہو چکا ہے، گنڈا پور اگر سرکاری وسائل کے ساتھ وفاق پر چڑھائی کریں گے تو انہیں منہ توڑ جواب کے لیے تیار رہنا چاہیے۔ پی ٹی آئی اس وقت مکمل طور پر ٹی ٹی پی میں تبدیل ہو چکی ہے، ریاست کی رِٹ قائم ہے، بلوائیوں کو بلوائیوں کی طرح ڈیل کیا جائے گا۔
گورنر راج اور ایمرجنسی کا امکان
ان کا مزید کہنا تھا کہ اگر پی ٹی آئی نے خیبرپختونخوا میں گورنر راج لگانے کا فیصلہ کر لیا ہے تو ہمیں کوئی اعتراض نہیں۔ اگر پی ٹی آئی ہٹ دھرمی سے باز نہ آئی تو پختونخوا میں ایمرجنسی کا نفاذ ہو سکتا ہے۔
