ایف آئی اے اینٹی کرپشن کی کارروائی، پی اے آر سی چیئرمین اور ڈائریکٹر اسٹیبلشمنٹ گرفتار

ایف آئی اے کی بڑی کارروائی

اسلام آباد(ڈیلی پاکستان آن لائن) ایف آئی اے اینٹی کرپشن اسلام آباد نے بڑی کارروائی کے دوران خلاف ضابطہ بھرتیوں کے کیس میں زراعت کے تحقیقاتی ادارے پی اے آر سی کے چیئرمین اور ڈائریکٹر اسٹیبلشمنٹ کو گرفتار کرلیا۔

یہ بھی پڑھیں: گاڑیوں میں سیفٹی اسٹینڈرڈز کی عدم موجودگی یا خلاف ورزی پر 3 سال قید اور ایک کروڑ روپے تک جرمانے کی سزا

گرفتاریوں کی تفصیلات

نجی ٹی وی سما نیوز کے مطابق، ایف آئی اے حکام کا کہنا ہے کہ اینٹی کرپشن اسلام آباد نے پاکستان ایگری کلچرل ریسرچ کونسل میں بھرتیوں کے کیس میں کارروائی کرتے ہوئے پی اے آر سی کے چیئرمین ڈاکٹر غلام محمد علی کو گرفتار کرلیا۔ ملزم پر غیرقانونی بھرتیوں اور اختیارات کے ناجائز استعمال کا الزام ہے۔

یہ بھی پڑھیں: بیرسٹر سیف نے علی امین کی ‘گمشدگی’ کو حکمت عملی قرار دیا

دیگر گرفتاریاں

ایف آئی اے کے مطابق، پی اے آر سی کے ڈائریکٹر اسٹیبلشمنٹ اخلاق ملک کو بھی گرفتار کرلیا گیا ہے۔ دونوں گرفتار افراد کو آج عدالت میں پیش کرکے ریمانڈ لیا جائے گا۔

یہ بھی پڑھیں: لاہور میں جسم فروشی کے دھندے میں ریکارڈ یافتہ شخص کی موت ہو گئی

مقدمہ کی تفصیلات

دونوں ملزمان کے خلاف ایف آئی اے اینٹی کرپشن نے سرکار کی مدعیت میں مقدمہ بھی درج کیا ہے۔ متن کے مطابق 164 اسامیوں پر 332 افراد غیر قانونی بھرتی کئے گئے ہیں۔