گوگل کا پاکستان میں اشتہارات کا AI اوور ویوز فیچر متعارف کرانے کا اعلان

گوگل کا نیا اشتہار فیچر

کیلی فورنیا (ڈیلی پاکستان آن لائن) گوگل نے رواں برس کے آخر میں پاکستان سمیت ایشیا کی مارکیٹوں میں اشتہارات کا فیچر اے آئی اوورویوز متعارف کرانے کا اعلان کیا ہے۔

یہ بھی پڑھیں: صد آصف زرداری کا چین کا دورہ طے

نئے مواقع کی تلاش

اس اقدام کا مقصد کاروباری اداروں کو گوگل سرچ میں اے آئی کی مدد سے تیار کردہ خلاصوں کے ذریعے صارفین تک براہِ راست پہنچنے کے نئے مواقع فراہم کرنا ہے۔

یہ بھی پڑھیں: یوٹیلیٹی سٹورز نے چینی کے بعد چائے کی پتی کی قیمت بھی کم کر دی

اے آئی اوورویوز کا اثر

ایکسپریس نیوز کے مطابق اے آئی اوورویوز جسے اب دنیا بھر میں 1.5 ارب سے زائد افراد استعمال کر رہے ہیں، اہم مارکیٹوں میں مخصوص قسم کے استفسارات میں 10 فیصد سے زیادہ اضافہ کر رہا ہے اور تجارتی نوعیت کے استفسارات میں بھی نمایاں اضافہ دیکھا گیا ہے۔

پاکستان میں کاروبار کے نئے مواقع

اب جب کہ اشتہارات براہِ راست اِن اوورویوز (overviews) میں شامل کیے جا رہے ہیں، پاکستان میں کاروباری اداروں کو لوگوں سے جُڑنے اور اُن کی فیصلہ سازی میں رہنمائی فراہم کرنے کے مزید مواقع میسر آئیں گے۔