پی ٹی آئی: ایک دہشت گرد جماعت جس کا سیاست سے کوئی تعلق نہیں – عظمٰی بخاری

پنجاب کے وزیر اطلاعات کی بیان

لاہور (ڈیلی پاکستان آن لائن) وزیر اطلاعات پنجاب عظمٰی بخاری نے کہا ہے کہ پی ٹی آئی دہشت گرد جماعت ہے، اس کا سیاست سے کوئی تعلق نہیں۔ یہ فتنہ گروہ ملکی ترقی کے خلاف ہے، عوام انہیں جان چکے ہیں۔ اڈیالہ کا قیدی مار دھاڑ، جلاؤ گھراؤ اور لاشیں گرانا چاہتا ہے۔ فتنہ خان کو پاکستان کی ترقی اور خوشحالی کسی صورت پسند نہیں۔ ملک جب بھی ترقی کی جانب گامزن ہوتا ہے، تانگہ پارٹی روڑے اٹکانے آجاتی ہے۔

یہ بھی پڑھیں: تحریک انصاف پاکستان مخالف بیانیے سے اظہار لا تعلقی نہیں کر رہی، وزیر دفاع خواجہ آصف

سیاسی کوششیں اور مشینری

انہوں نے کہا کہ علی امین گنڈا پور کرینوں، لفٹرز، سرکاری وسائل اور سرکاری ملازمین کے ساتھ اسلام آباد پر چڑھائی کرنے آئے۔ مجھے بتائیں کیا اس قسم کی مشینری کے ساتھ سیاسی جدوجہد ہوتی ہے؟ گنڈا پور سیاسی شو نہیں فساد پھیلانے آئے۔

یہ بھی پڑھیں: سوڈان میں پیرا ملٹری فورس کا گاؤں پر حملہ، 124 افراد ہلاک، 100 زخمی

پنجاب کی امنی صورتحال

انہوں نے بتایا کہ پنجاب مکمل طور پر پرامن رہا اور یہاں کے لوگوں نے فسادی ٹولے کو یکسر مسترد کر دیا۔ علی امین جو مشینری اسلام آباد پر چڑھائی کے لئے لائے وہ کے پی کے کے لوگوں کے لئے استعمال کیوں نہیں ہوتی؟ پنجاب میں جو بھی قانون توڑے گا اس کے ساتھ سختی سے نمٹا جائے گا۔ شہریوں کے جان و مال کا تحفظ حکومت کی ذمہ داری ہے۔

پاکستان کی عالمی سطح پر صورت حال

انکا کہنا تھا کہ پاکستان میں شنگائی تعاون تنظیم کا اجلاس ہونے جا رہا ہے اور یہ لوگ اسے سبوتاژ کرنے کے در پے ہیں۔ پاکستان بین الاقوامی کمیونٹی سے تعلقات دوبارہ بحال کر رہا ہے۔ پاکستان کو عالمی تنہائی کا شکار کرنے والے دوبارہ یہی حربے استعمال کر رہے ہیں۔