ایف بی آر کے اضافی اختیارات: حکومت و بزنس کمیونٹی میں اہم مذاکرات آج ہونگے

ایف بی آر کے اضافی اختیارات پر اہم مذاکرات

کراچی(ڈیلی پاکستان آن لائن) ایف بی آر کے اضافی اختیارات پر حکومت اور بزنس کمیونٹی کے آج اہم مذاکرات ہوں گے۔

یہ بھی پڑھیں: پاکستان کو جادو کی ”جپھی“ کی ضرورت ہے۔۔۔

اجلاس کی تفصیلات

نجی ٹی وی چینل دنیا نیوز کے مطابق بزنس کمیونٹی کا اجلاس آج اسلام آباد میں وزارت خزانہ کے دفتر میں تین بجے شروع ہوگا۔ وفاقی وزیر خزانہ، وفاقی وزیر پٹرولیم، اور چیئرمین ایف بی آر اجلاس کی قیادت کریں گے۔ کراچی چیمبر، لاہور چیمبر، سیالکوٹ چیمبر، ملتان چیمبر سمیت دیگر چیمبرز کے صدور اجلاس میں شرکت کریں گے۔

یہ بھی پڑھیں: پنجاب اسمبلی کے اپوزیشن لیڈر ملک احمد خان بھچر کی گرفتاری کی کوشش، کس طرح ایک نجی ٹی وی چینل کے دفتر تک پہنچے؟

اجلاس کا دورانیہ

حکومت اور بزنس کمیونٹی کے درمیان اجلاس کا دورانیہ دو گھنٹوں پر مشتمل ہوگا۔ ملک بھر کی دیگر بڑی تجارتی تنظیموں کے صدور بھی اجلاس میں آن لائن شرکت کریں گے۔

چیمبرز کی جانب سے مطالبات

کراچی چیمبر آف کامرس کے صدر نے کہا کہ کراچی چیمبر سمیت دیگر تمام چیمبرز کے صدور کی ملاقات ون پوائنٹ ایجنڈے پر ہے۔

صدر کراچی چیمبر نے کہا کہ ایف بی آر کو ملنے والے اضافی اختیارات 37 اے اور 37 بی کو فی الفور واپس لیا جائے۔