برطانیہ نے پاکستانیوں کے لیے ای ویزا کی نئی سہولت کا آغاز کردیا
پاکستانی طلباء اور پیشہ ور افراد کے لیے ای ویزا کی نئی سہولت
اسلام آباد(ڈیلی پاکستان آن لائن)برطانیہ نے پاکستانی طلبا اور پیشہ ور افراد کے لیے ای ویزا کی نئی سہولت کا آغاز کردیا۔
یہ بھی پڑھیں: پبلک اکاؤنٹس کمیٹی، ریلوے کی سکھر میں اراضی ایک روپے فی مربع گز لیز پر دینے کا انکشاف، ہسپتال کی جگہ شادی ہال اور موبائل ٹاورز لگ گئے۔
نئی ویزا پالیسی کا اعلان
نجی ٹی وی سما نیوز کے مطابق برطانوی ہائی کمشنر کی جانب سے جاری اعلامیے کے مطابق آج سے برطانیہ جانے والے زیادہ تر طلبا اور پیشہ ور افراد کو پاسپورٹ پر سٹیکر ویزا کی ضرورت نہیں ہوگی۔
یہ بھی پڑھیں: سونے کی فی تولہ قیمت میں 7800روپے کا بڑا اضافہ
ای ویزا کی خصوصیات
اعلامیے کے مطابق ای ویزا کسی فرد کی برطانیہ میں امیگریشن کی اجازت اور اس سے منسلک شرائط کا آن لائن ریکارڈ ہوتا ہے، جسے یو کے ویزا اینڈ امیگریشن کے اکاؤنٹ میں لاگ ان کرکے دیکھا جا سکتا ہے۔
یہ بھی پڑھیں: تباہ کن گرمی بے سبب تو نہیں
نظام کی کامیابی
ای ویزا بارڈر اینڈ امیگریشن سسٹم کا ایک جدید نظام ہے، یہ نظام پہلے ہی کامیابی سے آزمودہ ہے اور لاکھوں افراد مخصوص امیگریشن راستوں پر اسے استعمال کر رہے ہیں۔
یہ بھی پڑھیں: شوہر نے بیوی کو قتل کردیا، لیکن کچھ ہی عرصہ پہلے وہ کس جرم میں سزا کاٹ کر جیل سے رہا ہوا تھا؟
ہائی کمشنر کی رائے
برطانوی ہائی کمشنر جین میریٹ کا کہنا ہے کہ یوکے ویزا سسٹم میں یہ اصلاحات طلباء اور پیشہ ور افراد کے لیے اپنی شناخت اور ویزا اسٹیٹس ثابت کرنا بہت آسان بنا دیں گی۔ اس کا ایک فائدہ یہ بھی ہے کہ درخواست دہندگان کو اپنا پاسپورٹ اپنے پاس رکھنے کی سہولت ملے گی، جس سے ان کا وقت بچے گا۔
دستاویزی تبدیلی کا اثر
فزیکل دستاویز سے ای ویزا پر منتقل ہونے سے کسی فرد کے امیگریشن اسٹیٹس یا برطانیہ میں داخلے یا قیام کی شرائط پر کوئی اثر نہیں پڑے گا۔
