برطانیہ نے پاکستانیوں کے لیے ای ویزا کی نئی سہولت کا آغاز کردیا

پاکستانی طلباء اور پیشہ ور افراد کے لیے ای ویزا کی نئی سہولت

اسلام آباد(ڈیلی پاکستان آن لائن)برطانیہ نے پاکستانی طلبا اور پیشہ ور افراد کے لیے ای ویزا کی نئی سہولت کا آغاز کردیا۔

یہ بھی پڑھیں: جرأت کا مظاہرہ کرتے ہوئے ریسٹ ہاؤس کے پاس جانے کی ٹھانی، بالکل قریب جا کر دروازے کی جالی سے اندر جھانکا، میں جھٹکے کے ساتھ واپس ہوا۔

نئی ویزا پالیسی کا اعلان

نجی ٹی وی سما نیوز کے مطابق برطانوی ہائی کمشنر کی جانب سے جاری اعلامیے کے مطابق آج سے برطانیہ جانے والے زیادہ تر طلبا اور پیشہ ور افراد کو پاسپورٹ پر سٹیکر ویزا کی ضرورت نہیں ہوگی۔

یہ بھی پڑھیں: بھارتی کپتان یوراج سنگھ میچ کھیلنا چاہتا تھا ، ایک گندا انڈہ پورے کمرے کا ماحول خراب کر دیتا ہے : شاہد آفریدی

ای ویزا کی خصوصیات

اعلامیے کے مطابق ای ویزا کسی فرد کی برطانیہ میں امیگریشن کی اجازت اور اس سے منسلک شرائط کا آن لائن ریکارڈ ہوتا ہے، جسے یو کے ویزا اینڈ امیگریشن کے اکاؤنٹ میں لاگ ان کرکے دیکھا جا سکتا ہے۔

یہ بھی پڑھیں: اپوزیشن لیڈر اور ساتھی کل سے محبوس ہیں، مجھے بھلے نہ جانے دیں، پھر بھی ان کے لیے کھانے پینے کی اشیاء جانے دیں: پارلیمنٹ کے باہر پولیس نے مصطفیٰ نواز کھوکھر کو بھی روک لیا

نظام کی کامیابی

ای ویزا بارڈر اینڈ امیگریشن سسٹم کا ایک جدید نظام ہے، یہ نظام پہلے ہی کامیابی سے آزمودہ ہے اور لاکھوں افراد مخصوص امیگریشن راستوں پر اسے استعمال کر رہے ہیں۔

یہ بھی پڑھیں: چہرے سے ترے سیکھی گلابوں نے نزاکت۔۔۔

ہائی کمشنر کی رائے

برطانوی ہائی کمشنر جین میریٹ کا کہنا ہے کہ یوکے ویزا سسٹم میں یہ اصلاحات طلباء اور پیشہ ور افراد کے لیے اپنی شناخت اور ویزا اسٹیٹس ثابت کرنا بہت آسان بنا دیں گی۔ اس کا ایک فائدہ یہ بھی ہے کہ درخواست دہندگان کو اپنا پاسپورٹ اپنے پاس رکھنے کی سہولت ملے گی، جس سے ان کا وقت بچے گا۔