ٹی وی چینلز اور ٹاک شوز کو احکامات دیئے گئے ہیں کہ پی ٹی آئی کی اندرونی لڑائی کو اٹھایا جائے: عمران ریاض

یوٹیوبر عمران ریاض کا انکشاف

لاہور (ڈیلی پاکستان آن لائن) پاکستان کے معروف یوٹیوبر اور صحافی عمران ریاض نے دعویٰ کیا ہے کہ ٹی وی چینلز اور ٹاک شوز کو ہدایت دی گئی ہے کہ وہ تحریک انصاف کی اندرونی لڑائی کو جتنا ہو سکے اٹھائیں۔

یہ بھی پڑھیں: احد رضا نے نیٹ فلکس سیریز میں بولڈ سین کرنے کی وجہ بتادی

میڈیا کی صورتحال

یوٹیوب پر جاری وی لاگ میں عمران ریاض کا کہنا تھا کہ میرا تعلق میڈیا سے ہے، اسٹبلشمنٹ اور حکومت کی جانب سے جو زبانی کلامی احکامات آتے ہیں وہ ہم تک بھی پہنچ جاتے ہیں۔ ٹی وی چینلز اور ٹاک شوز کو یہ احکامات دیئے گئے ہیں کہ جتنا ہو سکے پاکستان تحریک انصاف کی اندرونی لڑائی کو اٹھایا جائے۔ آپ گورننس، مہنگائی، چینی کی قیمت، کرپشن، عمران خان کی تحریک، ظلم اور زیادتی پر بات نہ کریں بلکہ تحریک انصاف کے اندر پیدا ہونے والے اختلافات پر ٹاک شوز کرنے ہیں۔

حکومت کی حکمت عملی

انہوں نے کہا کہ حکومت اور اسٹبلشمنٹ کی حکمت عملی یہ ہے کہ پی ٹی آئی میں جو لڑائی جیسی کیفیت پیدا ہوئی ہے، اس کو ہوا دی جائے۔ انہوں نے کہا کہ دوسری جانب علی امین نے اپنا 90 روز والا بیان خود ہی واپس لے لیا ہے اور پارٹی کے باقی لوگوں نے بھی یہ کہہ دیا ہے۔

"میڈیا کو احکامات جاری ہوئے ہیں کہ بدترین گورننس، مہنگائی، چینی کی قیمت، عمران خان کی تحریک یا ناحق قید کو چھوڑ کر اندرونی اختلافات پر پروگرام کیے جائیں۔" عمران ریاض خان pic.twitter.com/EjnDYJliRn

— PTI (@PTIofficial) July 15, 2025