قندیل بلوچ کی نویں برسی، آج کے روز اداکارہ کو قتل کردیا گیا تھا۔

قندیل بلوچ کا قتل

ملتان(ویب ڈیسک) شہرت اور کامیابی کے خواب سجائے شوبز کی دنیا میں قدم رکھنے والی ماڈل و اداکارہ قندیل بلوچ کو نو سال قبل آج کے روز ہی قتل کر دیا گیا تھا۔

یہ بھی پڑھیں: کوہاٹ؛ دریائے سندھ میں کشتی ڈوب گئی

زندگی کی شروعات

روزنامہ جنگ کے مطابق ڈیرہ غازی خان کے پسماندہ ترین علاقے شاہ صدر دین میں یکم مارچ 1990ء کو ایک بچی نے جنم لیا جس نے بڑے ہو کر قندیل بلوچ کے نام اور اپنے بے باک انداز کے باعث شوبز انڈسٹری میں خاصی شہرت حاصل کی۔ قندیل بلوچ نے 14 سال کی عمر میں گلیمر کی دنیا میں قدم رکھا۔ 12 سال کی مسلسل محنت کے بعد جب اسے شہرت ملی تو وہ اپنے ہی بھائی کے ہاتھوں غیرت کے نام پر ماری دی گئی۔

یہ بھی پڑھیں: میں پارٹی کے عہدے سے مستعفی ہوا ہوں، زین قریشی کا بیان

مشہور ٹاک شو

قندیل بلوچ نے ایک ٹی وی شو میں ملک کے اہم ترین سیاستدان کے پاکپتن میں ایک پیر گھرانے سے تعلقات کا انکشاف کیا تھا جو اس کی موت کے بعد سچ ثابت ہوا۔ قندیل بلوچ کے مذہبی اسکالر مفتی عبدالقوی کے ساتھ ٹاک شوز میں گفتگو اور بےباک سیلفیوں نے اس کی شہرت میں مزید اضافہ کیا۔

یہ بھی پڑھیں: ڈاکٹرز نے زخمی بیٹے کی تیمار داری کیلئےہسپتال گئے باپ کا آپریشن کردیا

خاندان کے لیے قربانی

قندیل بلوچ نے اپنی محنت اور کامیابی سے جو تھوڑی بہت دولت کمائی وہ اپنے معزور والد، بزرگ ماں کی دیکھ بھال اور بےروزگار بھائی وسیم کو کاروبار کروانے میں خرچ کی۔ لیکن اسے کیا پتہ تھا کہ یہی بھائی اس کی زندگی کی سانسیں بند کردے گا اور وہ والدین جن کو بہتر زندگی دینے کے لیے وہ اپنی تمام تر آمدنی خرچ کر رہی ہے، ایک دن اے گا کہ بیٹے کی محبت اس کی قربانیوں پر غالب آجائے گی۔

نظام انصاف پر سوالیہ نشان

ماڈل و اداکارہ قندیل بلوچ کی آج نویں برسی pic.twitter.com/VB3hYBCkYK

— Geo News Urdu (@geonews_urdu) July 15, 2025

قندیل بلوچ کے قتل میں ملوث مرکزی ملزم بھائی وسیم اور مذہبی اسکالر مفتی عبدالقوی سمیت 6 افراد کو مقتولہ کے والدین کے معافی نامے کے باعث جیل سے رہائی تو مل گئی لیکن ان ملزمان کی رہائی نظام انصاف پر بہت سے سوالیہ نشان چھوڑ گئی۔