پاکستان میں 35 نئی ادویات متعارف کرانے کا فیصلہ

نئی ادویات کا تعارف

اسلام آباد (ڈیلی پاکستان آن لائن) وفاقی حکومت نے جدید فارمولے والی 35 نئی ادویات پاکستان میں متعارف کرانے کا فیصلہ کرلیا۔ ادویات کی قیمتوں اور رجسٹریشن کا معاملہ 2 سال سے التوا کا شکار ہے۔

یہ بھی پڑھیں: غزہ میں نیم برہنہ مردوں کے ہجوم میں ننھی جولیا کے ساتھ اسرائیلی حراست میں کیا واقعہ پیش آیا؟

قیمتوں کا تعین

سما ٹی وی کے مطابق ذرائع کا کہنا ہے نئی ادویات کی قیمتوں کا تعین وفاقی کابینہ آئندہ اجلاس میں کرے گی۔ ان میں کینسر، بلڈ پریشر، گردے، پراسٹیٹ، شوگر اور دل کی جدید ادویات شامل ہیں۔

یہ بھی پڑھیں: کانگریس کی نظرِ بد سے بچنے کیلئے جہازوں کو بھی حفاظتی اقدامات کی ضرورت پڑ گئی ہے

نئی ویکسینز کا شامل ہونا

ذرائع کے مطابق کئی بیماریوں سے بچاؤ کی دنیا میں متعارف نئی ’’ویکسینز‘‘ بھی شامل ہیں۔ قیمتیں مقرر ہونے کے بعد 35 نئی ادویات پاکستان میں تیار یا درآمد ہوسکیں گی۔

دستیابی کے مسائل

ذرائع کا کہنا ہے کہ قیمتیں مقرر نہ ہونے کی وجہ سے طلب کے باوجود نئی ادویات کی دستیاب نہیں تھیں۔ نئی ادویات کی قیمتیں لازمی کیٹیگری کے تحت حکومتی کنٹرول میں ہوں گی。